مشكله محتاجه استشاره سريعه

السلام عليكم ورحمه الله حبايب قلبي هذي مشكله تخص وحده من العضوات ياريت تعطونها استشاره سريعه وشكرا
هلا بنات ياريت تساعدوني حاسه نفسي جبت لنفسي عله علي قلبي وانا كنت عايشه بالعسل والحين صارت حياتي كلها نرفزة بسبب اخت زوجي انا متزوجه من 3 سنين وكل اموري مع زوجي تمام زوجي عنده اخت من ابوة الكل مقاطعها ويذم فيها وانها مزعجه ومصلحجيه وكلام كثير وانا حاولت قد مااقدر احسن العلاقه بين زوجي واخته وقلت لي اجر وثواب ومنها مهما كان هذي عمه عيالي وياريت ماسويت نفسي مصلحه اجتماعيه
الي صار اول أسبوعين الحرمه معاي عسل وشوي شوي بدا يصدق كلام أهلها عنها مصلحجيه بقوة وكل همها مصلحتها وخلاص الحرمه اول شي صارت تستاذن مني تأخذ السايق حقي وللمعلوميه هذا سايق بيت اهلي بس يوديني الدوام والمشاوير الخاصه لانه ابوي الله يخليه جايبه لنا ومره ومرتين وبعدين فجاه تتصل للسايق تعال بدون لا تشاور ادق عليه ابي اروح الدوام الاقيها ماخذته لين فهمته ماعاد يروح لها الا باذني صارت تتصل علي زوجي يجيها ويوديها مشاويرها وهو يكون جاي من دوامه تعبان وماغير يخانقني ويقول بليتيني فيها وانتي السبب وهواش ليل ونهار وهي اخته الكبيره مايقدر يرد لها طلب خاصه اني مراضيتهم علي بعض ورجعت الأمور عاديه فالحين احنا بين نارين مو عارفين نرجع نقطع العلاقه ولا عارفين نفتك من طلباتها ومشاويرها مع انها متزوجه وبخير وصلت فيها الوقاحه تتصل تطلب فلوس من زوجي بعض الأحيان يرسل لها وبعض الأحيان يطنش وزوجي للأسف شخصيته مره ضعفيه ليتني ماكلمتها ندمت قد شعر راسي ابي حل يوقفها عند حدها بدون مشاكل وقطاعه