لاتفكرين كذا فكري بطريقه إيجابيه علشانك تفكرين فيها ليل ونهار لاتفكرين وتشغلين بالك بهالأمور والسوالف راح تجي من نفسها

الاخوات ماقصروا

بس سالفة ان المسلسلات تساعدك

انا ضد هالفكرة

المسلسلات ماناخذ منها الا الذنوب فقط ربي يتوب علينا

والله انا زيك بالضبط
عمري فالعشرينات ولا اعرف شي
حتى لو جونا ناس اجلس مثلالصنم وهم يضيفوني هههه والله ما ابالغ

المهم الحل لمشكلتك انتي تتغيري بالتدريج شوي شوي
اول خطوه هدفك مثلا تعلقي تعليقات بسيطه
مثلا وحده تتكلم عن ولدها او بنتيها اسئليها كم عمره؟
حاولي تتفاعلي بهالطريقه
الناس يحبو يتكلمو وانتي بيني مهتمه بحديثهم

السكوت من ذهب الا عن الذكر

خلي سواليفك ذكر لله أنفع لك

الثقة بالنفس اهم شي في ناس واثقة او مثل ما نقول تكانة حتى لو سوالف قليلة بس تاكل الجو الموضوع ذكاء متى تقولين الجمل وتقاطعين بكلمة او كلمتين وتحسين انج متفاعلة مع الناس لان في ناس وانتي تسولفين بس تقطع ع الفاضي والمليان

وتغثج وتكرهين وتملين القعدة معاهم وامنتي حاولي تتذكرين سوالف قريبة من اللي تنقال وموضوع يجر موضوع بس اهم شي لا تحاولين تتكلفين بالسالفة بيوضح خليها عفوية ووناسة وفلة والموضوع تعود اول مرة بتقولين سالفة سالفتين واللي

بعده اكثر وحاولي تتخلين اللي قدامج ناس تمونين عليهم مثل خواتج عشان ما تستحين وترتبكين من السوالف وتضيعين

الكلام بس طبعا خلي سوالفج بحدود مو تطلعين اسرارج وخصوصياتج ههه

وع فكرة كل شي بالتدريب ينفع مثل مرة احدى الجامعات (طبعا اجنبية ) قررت تسوي اختبار مفاجئ للطلاب المستجدين
كنوع من الاختبار وخلت الطلاب كل واحد يمكن لعشر دقايق يدرس باي شي يختاره بنفسه يعني له حريه اختيار الموضوع
لقت نسبة قليلة اعتقد 5 او 6 بالمية اللي نجحوا والباقي فشلوا وان في اعادة اختبار لهم بعد شهر

وبعد ما مر الشهر سوا الاختبار ثاني مرة ونسبة النجاح بالثمانينات يعني التدريب ع الشي يرفع نسبة النجاح فيه

فانتي ابدأي ببنات عمج وخالتج والاقربين وبعدين تقدرين تسولفين مع اي كان ان شاء الله وحاولي تقرين عن اسلوب الخطابة والكلام المواضيع هاذي وايد تساعد في انج تصيرين اكثر ثقة والقراءة تنمي ثقافتج وتخلي لج هيـبة

موفقة اختي