مشكله مضيقه صدري لاني لااسف ماعرفت كيف اتصرف

السلام عليكم ورحمته الله وبركااااااته
اخواتي االغاليات عندي مشكله مرره مضيقه صدري وان لم تكن خاصه فيني اليوم مر علي ولد اختي بيوديني مشوار المهم وانا راكبه معه يدق جواله وكان الصوت شوي عالي وبحكم الذهانه الي فيني حسيت انها بنت والله واضح صوت بنت ويوم حس ان الصوت عالي واني مركزه قصر الصوت وهو بعد قام يقول اخبااااارك بمطه ودلع وكل شوي يعيده وواضح كلامه الغاز مره ويقول له ماتقدر تكلم متى ترقى فوق انا فاضي بعد 20 دقيقه (هذي 20 دقيقه مسافه ا مشواري ) انا ضاق صدري على العموم هذا ولد اختي الله يهيده مااستبعد عليه يعني مو ذاك الزود(عمره 25) يوم صكها قلت ماشالله صوت صديقك مره ناعم كنه بنيه هو ارتبك وقام يقول لو اني داري انك بتقطين فتحت السبيكر والمشكله لاتقولون لي لاتظلمين انا شكيت لاني ماااقول لاحد انه من يكلم بنت اخوي لانها بعد قليله ادب واذا اجتمعنا تلبس لبس مشخلع وتحاول تمر من العيال وتقول يوه ماانتبهت مره قلنا فلانه لاتروحين العيال فيه تخيلوا يوم تغافلتنا راحت وسوت نفسها ماانتبهت وولد اختي الثاني ملتزوم يقول وش فيها فلانه تحب ترزز عسا ماشر اقول لايحي احد انا موجود تقوم تدخل تخيلوا احنا مجتمع محافظ ونتغطى ومرررررره ضايق صدري وش السواه اقول لاختي عن ولدها والا وشلون لاني بصراحه ماادري وش اسوي وسالهف بنت اخوي مااظلمها لان ولد اختي هذا مره خق لي قال فلانه حلوه وقام يمدح فيها والصوت استغفر الله مو غريب علي مره اقول لاختي بعدين اقول استري عليه
انتظر الحلول