كل شي يروح الا الكلمه الطيبه اهي اللي تبقى
فانا ما اقول ان اختك تسكت اذا غلطوا لا
انا اقول تكون في وقت رايقه وتدخل على ام زوجها و تقول اللي بخاطرها بادب واحترام و توضح لها انها ما ترضى بالاهانات ولا اي احد يرضى فيها
و تأكد عليها انها ما تدخل والدتها في الموضوع يعني ما تتصل على والدتكم الله يحفظها لكم و تشتكي بنتها لانه ماله داعي ابد
و خلي اختك لا تروح كل يوم او كثير بحيث مع الاحتكاك الزايد خاصه يجلس الشيطان بينهم فممكن كل اسبوع مره او على حسب ظروف اختك اما ولدهم فحق عليه زيارة امه كل يوم
وانصحي اختك انها ما تجعلهم اكبر همها علشان ما تنكد على عمرها وعلى زوجها و تكسب اثم بسبب الكلام فيهم وانها ما تكون حساسه اهم ما عليها ترضي ربها ثم زوجها ووالديها اما غيرهم تحسن لهم لقرابتهم لزوجها و حق الاسلام
وتحمد ربها ان الاذيه مو من زوجها اهله تدعي لهم بالهدايه و كل لقاءها معاهم سويعات
وتتفرغ للتقرب الى الله وتقوم الليل وتدعي رب العباد في الثلث الاخير من الليل باذريه الصالحه وان الله يصلح شأنها كله ويبعد عنها كيد الكائدين
الله يفرجها عليها وعلى المسلمين

هلا الغاليه
انا مع كلام الاخت امة الله

وبصراحه ما في اصعب من الرجل اللي يكون (مدور لامه) لو كانت امه على حق ما حد يقول شيء لكن يسمع كلام امه بكل شيء حتى بالباطل وتوزه على زوجته انه لا يطلعها ولا يمشيها وليه تشتري لها وليه كذا وليه كذا هو رجال وادرى بمصلحته وبمصروفاته هو وزوجته وما دام زوجته مو انسانه سفيهه بالاسراف مالها حق الام كذا تدخل وصعب الصراحه كذا.

اعرف عائلة مسكينه زوجة ابنهم مع انه ابنهم فيه نوع من الاعاقة بالسمع والنطق والبنت سليمه 100% وروعه ومتعلمه وصغيرة بالعمر وانا اعرف العائلة من قبل بس ما اعرف البنت اللي تزوجها الا يوم تزوجها ووافقت تتزوجه عشان اخلاقه زينه ويصلي والبنت والله قمه في الجمال والاخلاق ومطيعه وما لها صوت ولا تروح ولا تجي ولا لها مصاريف زايده، لكن سبحان الله ام الشاب جننت بزوجة ابنها والشاب يسمع كلام امه بكل شي وهي ساكنه معهم لدرجة انه والله بدون مبالغه هالكلام قالته لنا اخت الشاب من قهرها لانها صديقتنا تقول امي تمشي اخوي فتخيلوا قال ما يطلع هو وزوجته ابدا لحالهم ولا اي يوم من الايام حتى لو على السوبرماركت قال يقول: كيف اطلع معاها واخلي امي ما اطلعها اذا ابي اطلع لازم اطلع امي وهي بنفس الوقت معي اما اخلي امي وهي تطلع معي لا ، طيب يا خي طلع امك وزوجتك ويوم ثاني اطلع انت وزوجتك لحالك ما فيها شي قال لا لا يمكن.
ما يعطيها مصروف
ام الزوج تحاسبها على الماء والله قال كل البنات يشربون ماء حوالي زجاجه باليوم هذي ليه تشرب ماء كثير اسرااااااااف !! تخيلوا تحاسبها على الماء ليه تشرب ماء كثير !!!
والله كل هالكلام ما فيه مبالغه لانه اعرف الناس معرفه شخصيه واخت العريس هي اللي تجي مقهوره وتقول امي بصراحه مضيقه على زوجة اخوي كثير وما ادري ويش اسوي
وتخيلوا بعد انها تقولهم ساعات لا تسكروا باب غرفة النوم عليكم !!!!!!!!!!!!!!!!!!!!!!!!!
هذي الصراحه صدمه
والبنت يا حرام والله متوهقه حتى مصروف ما لها وما تطلع ابد الا مع جو العائلة وهي اصلا دايما قاعده في البيت معهم لانها ساكنه معهم

والله يعين

بس رايي تقول اللي بقلبها بهدوء وروقان مثل ما قالت الاخت امة الله.

صج الله لا يبلينا باهل زوج شينين

والله بلوه الله يهديهم بس الناس تراها كلهم جيه


الله يستر علينا بس ويبعد عنا شر هل الزوج الشريرين ياقادر ياكريم

التطنيـــــــــــــــــــــــــــش احسن حل

الله يهدي سرهم ويصلح بينهم ويبعد عنهم شياطين الانس والجن ويسخر لها اهل زوجها ويسخرها لهم
تاتيهم بالحسنى (ادفع بالتي هي احسن)صدقين بعد فتره تاخذ معه هديه بسيطه لام الزوج لكن اذا قالو كلمه يمين او شمال ترد بس باسلوب لان هذا يحفظ له كيانه وقيمته عند اهل زوجه لك ن لاتقطع الدنيا ماتسوى