مشكله مع زوجي

السلام عليكم جميعا صارت لي مشكله مع زوجي وكان سببها انه ارسل فويس وهو معصب ويقول عني عقلي قوطي وحشره وشرذمه وانا سكت وبكيت ونمت وبعدها صحيت جلست احارشه عشان للحين مقهوره واحتد الكلام بينا ومع الغضب قلت ترا مردك بتموت وفلوسك لي ولعيالك استغفرالله من عصبيتي والله العظيم قلتها وبعدها قالي اجل ابها والله ماتشمينها ولا فيه طلعات ولا شيء وعطاني بلوك بعدها جيت اكلمه وكأن من كلامه انه يبي يطلق💔 ولما قلت له رقم ابوي عندك واغراضي اشحنها لاني عند اهلي وهو في منطقه ثانيه قال انا بفكر واعلمك حسيت انه بس يبي يخوفني ، المهم الحين انا عند اهلي خلصت نفاس صارلي شهر لاهو راضي يحجزلي ولا هو راضي يفك البلوك ومخليني معلقه مدري هو يبيني او لا وودي اعلم ابوي بس انه تعبان وشايب اخاف عليه وافكر اعلم اختي بس وش بتسوي يعني ، شوروا علي وش اسوي نفسيتي من امس تعبانه وحتى ولدي ماقدرت اكون معاه صح واذا ماعندكم حل ادعولي الله يحنن قلبه علي ويرده لي ردا جميلا ويصلح مابينا