مشكله مكياجيه.....وحلها تعالواستفيدوا

حوائيات ..... مشـــكــلــه مكياجيه .. وحــلـــها .. تعالو استفيدوا .. !!

مــشــكــلــة ... و حـــــل

يعطيكم العافيه ... بنات شلونكم يا اللي تدورون الكشخة و الزين ؟؟

يتني فكره اسوي موضوع يكون مرجع للبنات بالنسبه لكل المشاكل المتعلقه بالمكياج ... انا بعرض لكم بعض المشاكل و حلها من خلال خبرتي المتواضعة >>> تعرف اتحط مكياج بس ساكته لووووول

حبيت افيدكم بهالموضوع .. و قبل لا ابدي اقول لكم .. اي وحده تبي تسأل .. وعندها مشكله و تبي لها حل او متوهقه في شغله مكياجيه لوووول لا يردها الا لسانها .. وهم اي وحده عندها فكره و مثال و حل .. خل تحطه لنا نستفيد ..

و يلا ببدي :


مشكلة تشقق البشره و القشور بالجبهة و الحاجب و اطراف الشفايف




وهالمشكلة الكل عارفها .. تملين و مايظبط معاج كريم اساس الا وين ووين .. و يصير لون البشره باااهت و يبط الجبد ويتقطع معاج الكريم معما كان نوعه

الحـــــــــ Solution ــــــــل



- اشتري سنفرة St.Ieves بالخوخ .. صراحه لايعلى عليها .. مع ماسك من نفس المارك هاو اي ماسك انتي ترتاحين له
و مع ليفة التقشير .. والليفه مهمه لاااااااااااااااازم عشان نشيل الجلد المتقشر .. انصحكم بليفة بودي شوب للويه و السنفره عن تجربه .. والطريقه تكون كالتالي :
تغسلين ويهج بماي وفوم .. المهم ينظف .. وتخلينه مبلل .. وتحطين السنفره و تسنفرين بقوة متوسطه .. ولا تحوشين منطقة حوالي العين .. مع التركيز على مناطق القشور ... بمدة 10 دقايق .. وبعدها بالليفة نوخر حبوب السنفره مع تقشير متعمد خفيف .. يعني تمشين الليفه على ويهج عشان توخرين السنفرة مو تفركين ويهج فيها ,, مع الضغط على اماكن القشور مشي الليفه عليها مرتين .. و بس .. اشطفي بماي دافي ... و نشفي ويهج و حطي الماسك لمدة ربع ساعه و بعدها شطفي بماي بارد .. هالطريقة لو تستعملينها مرتين بالاسبوع .. راح تنشين شي اسمه قشور !!



مشكلة الاي شاد واو الهايلايتر لما يتلاصق من كثر الاستخدام والحك سواء بالاصبع او الفرشه !! يعني تحكينه مايطلع لون مثل قبل !!




طبعا مايحتاج شرح !!

الحـــــــــ Solution ــــــــل

اخذي ابره او ماشه .. اي شي يكور راسه مدبب .. وحكي فيه طبقة المادة المتلاصقه .. و كل ما يطلع معاج البودر نفخي .. لا توخرينه بالكلينكس عشان ماترد المادة الخربانه تلصق .. و استمري ليما يرد ويه الاي شادو يديد مثل اول .. لونه صافي و واضح .. وبس هيك



مشكلة الماسكرا الناشفة / الكحل الكريمي الناشف / الحمرا الناشفه / القلوس الناشف او المتكتل بأخر العلبه


وهالسالفة تواجهنا كلنا ... تشترين المايكرا و بعدها بثلاث اسابيع تتكتل او تحسين بفرق بمادتها او الفرشه !! او الحكل الكريمي مايكون فيه لمعه و مايمشي مثل اول ماشريتيه .. او الحمرا سواء الستيك او الباليت تكون قاسيه ونشفت .. و القلوس تشوفين فيه قلوس فيه لون بس مايطلع معاج بالفرشه الا نتوووفه ههههههههههه

الحـــــــــ Solution ــــــــل

- الماسكرا : بطلي الماسكرا و اخذي كلينكس كذا طبقه و ابدي من فوق من عند البلاستيك حطي الكلينكس و سحبيه الين اخر الفرشه .. عشان تشيلين كل التكتل و الماده الناشفة من العمود و الفرشه .. ودي الفرشه داخل و صكي العلبه ويبي الشسوار و ركزي على الماسكرا بالهوا الحار تقريبا 5 دقايق او اكثر حسب ماتشوفين الماده ذابت .. طلعي الفرشه و شوفي الماسكرا شلون يديده

- الحمرا الناشفه سواء ستيك او باليت .. لفي صبعج بكلينكس و مسحي الحمرا شوي شوي لاحد يكسرها بالدفاشه و الحماس ههههههههههه .. وخري الطبقه المستعمله .. و بالهوا الحار مال الاستشوار .. ومن بعيد .. اركز من بعيييييييد .. لمدة كذا دقيقه بس لين يرد سطح الحمرا يلمع مثل اول .. و ردي مسحي الطبقه اللي ذابت شوووووووووووويه بس .. و خلاص خليها 10 دقايق وردي شوفيها شلون ردت يديده

- الكحل الكريمي : بعود اذون .. نظفي الطبقة اللي فوق .. و صكي العلبه نص صكه يعني خلي مجال للهوا الحار يدش .. و وجهي الشسوار و كل شوي بطلي وشوفي .. لما يبدي يذوب الكحل .. اخذي عود اذون ثاني و ردي ضغطي الحكل اللي عالاطراف و اللي مو متساوي خليه يصير صطبقه وحده متساويه .. و ردي وجهي عليه الهوا الحار شوي وصكيه وردي شوفيه بعد 10 دقايق ... وناسه يديد لوووووووووول

- القلوس الناشف .. صكيه عدل ,, ويبي ماي حار بطاسه و حطي القلوسات الخالصه فيها وخليهم ربع لي نص ساعه و طلعيهم نشفيهم بفوطه و بس يردون يدد ويطلع اللون


مشكلة الحمره الستيك لما تكون مو خالصه و حلوه ... وتــنـــكـــســـر !!!





الحـــــــــ Solution ــــــــل




- اشتري سامبل جار من محلات المكياج .. و يكون الحجم اصغر واحد .. و نظفيه .. و كسري الحمره قطع صغار طبعا طلعي الباقي من الحمره اللي بالعلبه و حطيهم على راس قفشه كبيره و من تحت القفشه وجهي السشوار الحااااااااااااااااار الين تذوووووووب الحمرا و صبيها في السامبل جار وهي سائله و بس خليها بالغرفه لين تبرد براحتها ... و تهبل ولا احلى بدال ماتنقط و تروح ال 8 او 9 دنانير بالزبالة وانتو بكرامه خصوصا اذا اللون حلو



مشكلة اللمعه / الهايلايتر / القليتر / البلاشر اللماع / البودرة المضغوطة .. اللي ماتبينهم او صار لونهم قديم و مو ستايل







ترا مايحتاج اتقطينهم ... استفيدي منهم سوي فيهم حركه حلوه .. خصوصا اذا متزوجه راح تنفعج وايد مع قمصان النوم و باليت تصيرين ستايل .. و خصوصا انهم عالجسم يعني بالكثير يقعدون نص ساعه و بعدين يتطايرون بالملابس او بالهوا ...


الحـــــــــ Solution ــــــــل

- ييبي علبة فاصية تكون شويه كبيره مثلا علبة بودر او حتى العلب من ابو اميه اللي تي اشكالها حلوه مربعات و دوائر جنهم سامبل جار بس اكبر كبر كف اليد ... كسري الهايلايتر او كبي القليتر .. وطحنيهم براس القفشه دقيهم .. و يبي البودره المضغوطه و حطيها على ورقة نشاف .. و طحنيها هم بالضغط بالقفشه .. و ردي ضيفي البودره على القليتر اللي داخل العليه و حركيهم عدل مدل ... وصكي العله و خضيها كذا مره .. و ذاتس ات .. راح يصير عندج بودرة للجسم و فيها لمعه .. عاد وقت اللي تبين اخذي بالفرشه الكبيره و حطي على كتوفج و صدرج و سيقانج ... روووووعه

- الطريقة الثانيه باللوشن .. يبي لوشن عادي حق الجسم افضل لوشن فيتامين سي اللي عند الفلبينيات .. في منه احجام
اخذي حجم صغير .. و بطلي العليه و حطي فيها اللمعه المطحونه اللي انتي تبينها مثلا سلفر او برونز !! وتدهني فيها تصير يلمع جسمك


وهذي الاشياء اللي لحقت اكتبها الحين .. وراح ارد اكتب غيرها باذن الله ... واللي عندها مشكله تكتبها و اعطيها حلها ان شاء الله

ومثل ما قلت اللي تعرف شي بعد لاتبخل علينا


منقوووووول للفائده

مشكورة

يسلمووووووووووووووووو

وووووووواوووووو ..... أفكارج حللللوة ورهيييبة ماشاء الله عليك وجزاك الله خييييير ...
ان شاء الله اللي عندهم كمااان خبرات يفيدووونا

مروركم اسعدني حبايبي