من اللي كاتب هالكلام غاده ولاسوسه نفس وضعي تماما حتى في السفر بس انا يا حسرة يشتغل عشان يجمع الريال على الريال ويقول مو الحين وقت الدلع اذا كبرنا وجمعنا صح نتدلع.

بس الفرق اني لما كنت حامل كان يروح معي العياده ومرة سواها وخلاني اروح مع السواق سويت مناحه وما رضى يروح عناد قمت طلبت من الدكتورة تسوي لي الترا ساوند وكان اول مرة نسوي الترا ساوند في الحمل وقعدت اقاهره انا شفت البيبي وانت لأ واتوقع حتى لو كنت باعالج باخذه معي خصوصا في اشيا قويه زي كذا صبغه وخرابيط اما باقي الاشيا عادي تعودت عليها انا اواعد السباك والكهربائي وال ال ال ............... والسواق يشرف عليهم اذا جو بس خلاص اخذت الامر بسعة صدر ومشيت حالي صرت اذا ابغى اتسوق ما ااروح لحالي عشان ما تصير لي مثل حالتك وتجيني البكوة اروح مع اخواتي صديقاتي اي احد بس ما اروح لحالي

حبيبة قلبي غادة
سلامتك من الهم والنكد..
ويا عيوني أكثر الرجال على هالشكل..

جيتي على الجرح..:(
صدقيني مشكلتك مع زوجك مثل مشكلتي الأزليه كثييييير متشابهه..
فهوطول وقته مشغووووول .. فأنا أفكر بأن الله يحفظه شاغل روحه علشان مين؟؟؟
أنا وعياله المستفيدين والحمدلله انه مو شاغل نفسه بأشياء لا تجيب ولا تودي..
حاسه فيكي حبيبتي الوحده لما تكون تعبانه او في حالة ضعف تتمنى يكون زوجها واقف معاها وداعمها وأقل شيء انه يكون معاكي في مثل هالمواقف..
بس أنا متأكده ان بسبب نفسيتك السيئة ما حتقدري تشوفي الا الجوانب المظلمة ..
لكن اذا هديتي حتلاقي ان الموضوع ما يستاهل أنك تكثري زعل وتكدري خاطرك هالقد.. هونيها على نفسك..

يعني تخيليها بهالشكل لو هو داري ان هالموضوع حيكدر خاطرك هالقد.... ما اظني يسويها عن عمد.. لكن ...الرجال لهم نظرة لمواضيعنا مختلفة تماماً..

والحل في رأيي مثل ما قالت لاوسي استعيني بالدعاء له بأن الله يسخركم لبعض..



بكذا تريحي نفسك وتخلي الموضوع بين ايديه..والله معاكي..

ولك غاليتي دعوات في ظهر الغيب..:26:

زهرة الجوري حبيبة قلبي الله يرزقك بولد الحلال اللي يسعدك
ومشكوره ياعمري على الدعوات ..

نسيم الود ..هلا حبيتي ..كلامك مثل كلام صديقتي ..دايم تقول انت بنعمه مو حاسه فيها ..
بس وجوده معاي في سوق والا غيره يعني لي كثير
ومشكوره ياعمري ....ردك ريحني ..

shanar اسعدني مرورك يالغلا ..
لكن انا اختلف معاك بنقطه وهي مرافقت الزوج لزوجته في كل مشاويرها مايعتبر مقياس لحبه ..
وانا واثقه تمام الثقه بمكانتي عند زوجي ..لكن ظروف عمله تحكم ..
والله يحفظ لك زوجك وابوك ..

beautylady حبيبتي انا عمري ماشكيت له او تذمرت لاني اعرفه اذا فاضي مايقصر لكن قهري انه بيتم طول عمره
مشغول ..وانا وحده حاره وما عندي صبر ..هو ماعنده مانع يتكفل بكل شي لكن اليوم بسنه وانا مااقدر ااجل شي احتاجه ..
وبالنسبه لتخصيص يوم عائلي ..عندنا الخميس ياخذنا بفسحه عائليه ويلفلف فينا على الشركه وبعدها على المصنع عشان يورينا اذا في مكينه جديده والا انتاج جديد بعدها يكمل اللفه على باقي الشوارع يورينا مواقع عملهم الخارجيه وبعدها يعشينا ويرجعنا البيت ولا تناقشين لان الاولاد لازم يعرفون حلالهم ويتعلقون فيه من صغرهم ....:30: الجمعه وطبعا نقضيه بستراحة ابوه وno way نغير لانه شي مقدس بالنسبه له ..
مشكوره ياعمري على تفاعلك معاي ..

lawsi اسعدتيني بمشاركتك ووجودك بموضوعي يعني لي الكثير ..فانا اثق فيك واعتبرك اختي الكبيره يمكن
تكوني بسني او اصغر لكن كبر عقلك يعطيني هالاحساس الله يكملك بعقلك ويرزقك كل ماتتمنين .
حبيبتي زوجي بيتوتي درجه اولى <<< كيف تجي هذي ؟؟
دوامه من الصباح الى الساعه 8 بالليل ..وبعد كذا جالس في البيت هلكان والله اني احن عليه عشان كذا اقضي كل مشاويري بنفسي عشان مااشغله زود واثقل عليه .. انا عارفه انه غلط لكن مابيدي حيله خايفه الرجال يطفش ويهج ..
الله يسعدك ويسخر لك زوجك ..