مشكله مهمه حصلت بالمدرسه

انا عندي مشكله ولا عرفت احلها
المهم والكلام كله صدق بس يمكن ما كتبت المشكله مثل ما حدث بس معناه واضح لن المشكله لسا مو داخله مخي
بس انا حاولت وكتبت الي اتذكره بضبط
انا ما كتبت المشكله الا بموافقه البنت نفسها
وانا ما كتبت المشكله هنا الا اني واثقه فيكم يابنات حواء لني ما ابي يطلع الموضوع برى
المهم المشكله هي
انا طالبه بالثانويه وفي يوم من ايامي بوقت الفسحه جالسه انا و صديقاتي وكانت تناضر فيني بنضره غريبه وانا فهمت النضره و قلت تعالي روحي معي بشتري لختي بطاطس هي ما صدقت قامت على طووول ورحنا بزاااويه وقلت لها
فيك شي قالت لا قلت الا فيك شي انا اعرفك وقلت تعرفيني ما اعلم احد بس علميني قالت انا ادري انك ماتعلمين احد بس خايفه تخذين عني فكره مو زينه وتتركيني قلت انتي تعرفيني انا عقلي مو متخلف وافهم موانك سويتي شي زعلتك وقلت انك مو متربيه يالله قولي وش عندك وبعد تردد قالت انها كلمت واحد وانا من الصدمه فاتحه فمي مو مستوعبه الي تقوله قلت ليه تسوين كذا وش الي حدك قالت ان اخوووه الصغير بعثه برسااله مكتوووب بها رقمه وتحت
مكتوب ابيك بشي ضروووري (بصرااحه هذا الي اذكره) هي تقول انها طنشت السالفه لمده نص اسبوع بعدها تقول ان اختها قومتها من النوم
لن عندهم حريم تقول اول ما جلست على التسريحه ما ادري وش جاني قمت على طول اخذت جوال اختي ودقيت عليه تقول رد على وقال الوووو قالت سلام انا فلانه
قالت اول ما سمع انها انا تخربط ما يدري وش يقول قال انتي فلانه قالت ايه فلانه وش كنت تبي قال انا انا كنت ابي اقولك اني احبك وربي ما اكذب (هذا الي اتذكره على ما اعتقد)
قلت عااد انا فلانه الي تقولينه صدق قالت والله ما اكذب انا واثقه فيك انك ما تعلمين احد قلت ليه اعلم هذا شي يخصك بس قد يكون يكذب ولا بيلعب عليك تقوول انها ما تدري كيف سوت كل هذا قلت انا طنشي كل السالفه
ولا تفكرين فيها (وتقول انه يبي يسوي مثل اخوه الي اكبر منه اخوه هذا كان يكلم بنت خالته والحين مخطوبين بس لسان الناس تتكلم عليها وهذا الولد بيسوي مثل اخوه)
واقترحت عليها اقتراحات ومن ضمنهم اني اطرح عليكم المشكله عليكم يا بنات حواء هي رفضت بل البدايه بس بعد كم يوم جتني وقالت انا موافقه انك تعرضين مشكلتي وانا قلت خلاص انحلت المشكله