مشكله مو عارفه اطلع منها

السلام عليكم
يابنات ابي مساعدتكم في حل مشكلتي
انا تزوجت من سنه ونصف
من تزوجت وانا طلعاتي خفيفه بعدين حملت بسرعه وماصرت اكثر خرجات وبعد ولادتي
وبعد مارجعت لزوجي
صار مايحب اطلع الا لاهلي واهله ولا يحب اروح لاقاربي ولا صاحباتي
الا في الشديد القوي مثل مرض وغيره
ودايما يقول لي انا مااحب الطلعات والجمعات الخاصه واذا طلبت منه
يوديني يحاول يقنعني بطريقه لبقه مثلا
وش رايك تخلينها مره ثانيه ..لاني مشغول ..او يقول انا ابي اسهر معاك الليله
وهو ماعنده شي لاتقولو قدري ظروفه انا حتى الاعياد
ماعيدت على احد مااذكر متى اخر مره طلعت وزرت احد تجي جمعات ومناسبات
ومااروح
انا الوحده بتقتلني انا اجتماعيه
وماتعودت على كذا
انا ماعندي اخوات والناس اذا مازرتيهم ماراح يزورونك
ومااعرف شلون اقنعه انا ماابي نخسر بعض عشان اسباب ممكن
تتعالج
شوروا علي
انا حاسه اني من الوحده راح اوسوس مشتاقه لاقاربي وجمعاتنا
مشتاقه اجلس مع بنات من سني
على فكره احنا من عايله وحده
ممكن تقولو اني عودته من البدايه .بس كان لي اسباب
تناقشنا كثير وتهاوشنا كثير ماخليت طريقه حلووه الا وحاولت فيها
واذا اقنعته ووداني كل شوي يتصل ... هاه متى اجيك ...
ماكنك طولتي
وش اسوي فهمته اني محتاجه اطلع وان من حقي اشوف الناس
يقول خليهم يزورونك بلاش تروحين
قلتله اوكيه انت ماتبيني اطلع خلاص انا راضيه
بشرط انت بعد ماتطلع ولاتسهر كل يوم
قال انا مو مثلك وكل مره يشوفني ازعل يراضيني بهديه بسيطه
وكان شيئا لم يكن
احترت تكفووووووووووون شوفوا لي حل
واذا شافني جالسه في البيت وطفشانه طلعني ومشاني ويحاول مايخليني
اطفش موفر النت والتلفون والتلفزون وكل طلباتي اوامر
ويحبني وانا بعد احبه بس هالمشكله البسيطه ماقدرنا نوصل لحل
معاملتي لي فوق الممتازه
واخيرا يابنات انتظر ارائكم باسرع وقت