أشكركى أختى ام مشاري على التعاون والله يقدرنا على حل المشكله
تحياتـــــــــــــــــــــــــ:26: ــــــــــــــــــــــاتى
أتمنى من الكل المشاركه لان التجارب الناس هى سبب فى حل المشكلات اليوم
:26:
أم شمسة
•
الصفحة الأخيرة
اختي ام شمسه انت تتكلمين وكانك تتكلمين عني صدقيني الزوج هكذا لابد وان يتغير مع العشره خلاص والله انا مع زوجي جذيه حتى تدرين توني مسويه عمليه تبرع حق بنتي للكليه وتوقعت اني اول ماارجع البيت اسمع منه اي كلمه حب
نطرت
ونطرت
ونطرت
بالاخير صارحته وقلت له من صجك انا توقعت اني لمن ارجع البيت تلمني وتقول ماصدقت انك ترجعين لي
رد علي وقال انتي الظاهر وايد تتابعين افلام ومسلسلات ومتاثره منهم
صدقيني لازم تقبل بالواقع
انا زوجي لمن اطلع معاه ما يبقى شي ما يصير فيه يا بروح الحمام وانت بكرامه يا طالع معاي ويتكلم بالموبايل يا اهو يمشي جدام وانا ورا عادي والله اشفيها رفيجتك مستغربه هذا وضع عادي
ولمن اساله ليش جذيه يقول اشفيك انتي على كل شي:23: تدققين وتحاسبيني انا اتصرف عادي بس انتي على كل شي تحاسبيني اقوله من صجك يعني لو انت مع ربعك جان تسوي جذيه
بس الظاهر احنا يالحريم مانبي ازواجنا الا عندنا وبس وكله يعطونا من ذاك الحجي الحلو
والله ترى انا صار 13 سنه زواج وكل ما كلمة زوجي عن هالموضوع قال لي انتي ما تشبيعين من هالاسطوانه الحين صار لنا 13 سنه وجنه تونا متزوجين كله تبين كلام حب وخرابيط
وانا ترى نفس رفيجتك اجتماعيه وغشمرجيه ودايما اتغشمر معاه
شوفي خلي رفيجتك تفاتحه بالموضوع بس بالراحه مو بصراخ وتفهم منه ليش يعاملها جذيه ومو كل يوم تحن عليه نفس الموضوع
انا بصراحه قمت اكشت فيه مااكلمه بالموضوع بعدين اهو ايي عندي ويسالني اشفيك اقوله ولا شي انت شايف شي يقول ماادري احس انه فيك شي بعدين افاتحه بالموضوع وبعدين يتغير يصير اشزينه كم يوم بعدين يرجع على نفس الحال
تدرين مره سويت معاه جذيه وما كلمته بعدين خذاني وداني اتعشى بره عشان يراضيني جان اقوله شوف اسم المطعم واحفظه والساعه الحين 10 وبعد سنه بالضبط راح يصير معانا نفس الموقف في نفس المكان على نفس الموضوع
وتصدقين صارت والله العظيم انها صارت
بعد كم شهر صاربيننا نفس الموضوع وراضاني ووداني نفس المكان وذكرته بالكلام اللي صار بيينا قبل كم شهر طبعا اهو كان ناسي وذكرته بعدين قال لي انتي ما تنسين شي قلت له عشان اذكرك بس انه مامنك فايده وانه موضوعنه ماله حل
فخلي رفيجتك تسلم امرها لله وتقبل بالامر الواقع:23: