مشكله وابي مساعدتي في حلها

السلام عليكم ورحمه الله وبركاته
انا واحده متزوجه من 23سنه تزوجت وانا صغيره وهو اكبر مني بسنه وكان مايشتغل ولاهوب متعلم وانا معي ثانويه عامه وعشت مع اهله كانت امه مريضه نفسياوخواته نفس الشئ وصبرت على الفقروالحاجه والخوف من اهله لاجاتهم حالتهم وفي بيئه ما تعودت عليها ولا اعرفهاوكانت شخصيته زينه ما يهاوش ما يتكلم كثير مطيع لامه وابوه كان اي شئ يدخل علي من اهلي من فلوس اساعده فيه انا اللي علمته وشلون يقوي شخصيته وشلون يرد وشلون يتكلم ربيت عيالي بروحي ماكان يدري عن صفوفهم ودروسهم متى شهاداتهم انا اللي اقوله كل شئ عمره ما قال مشكوره الله يعطيج العافيه
من 10 سنين فكر في العرس ورضيت وتزوج ولا اعجبته وطلقها
المشكله الحين وشهي عدم التقدير عدم الاحترام ما ادري باللي وراه ما يقولي كم دخله ما نطلع مافيه هدايا يرقد في غرفه وانا في غرفه ما يسأل وش في خاطري اليوم وش اللي مضايقني ما يلفت انتباه اي شئ اسويه مثل لبس جديد عطر حنا مكياج
بنات انا تعبت انا في سن احتاج الكلمه الحلوه احتاج الاهتمام منه وش الحل جزاكم الله خير انا في انتظاركم لا تبخلون علي بردودكم