مشكله واحلام ...... ربيعتي تبي حل

السلام عليكم ورحمة الله وبركاته ..
اخواتي واخواني ان شالله الاقي عندكم الحل اللي يريح ربيعتي ........
هي وحدة متزوجة وام وتخاف ربها بس مشكلتها انها تحب واحد غير زوجها وانا دايم انصحها
لانه يعتبر خيانه وانا طبعا ما عرفت الا بعد ما صارحتني بكل شي ..
تقول انها كانت وااايد تحب زوجها وهو بعد يموت فيها ( تقريبا كل اهله يدرون انه ميت فيها والى الان ) بس في يوم اكتشفت انه خانها بمعرفة بنات على الانترنت عن طريق الشات والماسنجر وكان فيه كلام استحي اقوله وتقول من يومها كرهته وكرهت اكلمه او حتى يلمسني وقعدت شهر على هالحال وهي تعبانه نفسيا في هالوقت هي كانت تعرف واحد عن طريق الشات وتحترمه وتعزه مثل اخ لا اكثر بس هالشخص كان يحبها وطلبها للزواج بس ايامها هي كانت مخطوبه وما قدرت تفك الخطبه مراعاة لمشاعر خطيبها اللي زوجها الحين
لانه كانت بالنسبه له مثل الماء ما يستغنى عنها وخافت انه تجرحه .. المهم هي كانت على اتصال بهالشخص اللي تعتبره مثل اخ بس عن طريق الايميلات يعني يطمنون على بعض
وبس .. بعد ما صارت سالفة الخيانه تصادف وجود هذا الشخص على الماسنجر وشوي شوي
قالت له اللي في نفسها عن زوجها وهو بدا يصبرها ويقول لها اكيد مب هو ويمكن يكون احد
استخدم الجهاز وهو ما يدري يعني المهم هو كان يعطيها اعذار له ..تقول هو دايما يردد لها انها يحبها وانه كان نفسه تكون له وهي بهالوقت حبته من كل قلبها والله تحلف لي انها تحبه في الله لأنه جدا محترم ويخاف الله وملتزم وبنفس الوقت تحب زوجها حب عشره وانه اب لعيالها اما الحب الرمانسي واللي كانت تحبه قبل خلاص تحول لهالشخص .. وهالكلام كله من
سنه .. تقول بعد ما حبته وحست انها ما تقدر تعيش بدونه طلبت الطلاق من زوجها علشان ما
تقدر تبتعد عن حبيبها اكثر وبنفس الوقت ما تبي تكون عايشة مع زوجها بس قلبها مع احد ثاني وهي تعتبر نفسها خاينه ففضلت انها تتطلق علشان ترتاح بس صارت مناقشات مع زوجها
طبعا رفض الطلاق وكان بروح فيها ومرض بس الله لطف ورجعت له .. تقول قبل كذا شهر حبيبها حاول يبتعد منها علشان تنساه وتعيش مرتاحه وحاولت بس مرضت وتعبت وااايد
وصار كذا مره يبتعدون من بعض ويرجعون .. وتقول والله اني احاول ارجع احب زوجي بس ما اقدر.. للعلم انها هي وحبيبها ما يكلمون بعض بالتلفون الا مره بالشهر بس للاطمئنان ( وانا اصدقها لأنها ما تخبي علي شي ) .. الحين ابي حل منكم لها الله يرضى عليكم لا حد يقسى عليها يكفي اللي سمعته مني..
في شي ثاني : من فتره حلمت انها طلعت مع حبيبها في مكان عام وما تحجبت علشان لا حد يميزها وبالصدفه شافت صديقه لها ( للعلم اللي شافتها ملتزمه جدا جدا ومتحجبه ) نفس الشي من غير حجاب . المهم انها وحبيبها كانو قاعدين على طاوله وشوي قالها انا بروح البس واتشيك لج وارجع وهو راح وركب المصعد واول ما دخل قعد على كرسي متحرك وطلع من المصعد رجل ولما قرب طلع عمها ويوم شافها نادها باسمها وقال لها شو تسوين هنيه ويوم حبيبها شاف انه رجل قرب منها طلع من المصعد بسرعه يبي يحميها من الرجل بس هي اشرت له انه يروح ..
وفي حلم ثاني حلمت ان حبيبها دخل عليها غرفة نوم في بيت اهلها وكانت هي وزوجها متمددين على السرير والزوج ما شافه وجا ونام يمها يعني هي صارت بالوسط وكانت تاشر له انه يطلع لا يشوفه زوجها بس بعدين زوجها حس انه في احد على السرير غيرها وصار انه جو واخذوا حبيبها وهي على الشرطه وكانت في الحلم تحلف انهم بحياتهم ما سووا شي غلط اوحرام بس انها تحبه بعدين حكموا انه يزوجونه لاختها الاكبر منها ويطلقونها من زوجها وهي كانت تصيح كيف بيصير زوج اختها وهو حبيبها وبنفس الوقت عيال اختها وين بروحون ..
والحلم الثالث انها حلمت انها عزمت حبيبها على العشا وصاروا دايم يتعشون مع بعض
وفي مره كانت تبي تشرب وحست انه الكاس كانه فيه خمر وراحت تبي تطلع اللي شربته وهي ماشيه مرت يم عمها نفسه اللي بالحلم الاول وسالها من هذا اللي قاعد معاج قالت له من سوت نفسها ما فاهمه وقالت له ابي ارجع مااقدر اتحمل وركضت للحمام ..


ادري قصه طويله واحلام غريبه .. اللي عنده حل لا يبخل به عليها
واللي يقدر يفسر لها احلامها عند احد او عنده قدره على التفسير
يفسر .. وهي وااايد تعبانه فياريت ما تردونها وادعوا لها الله يفرج همها :44:

والله يجزاكم خير