مشكله ولازم يكون في حل

:44:سلااااااااااااااااااام يااحلى بنات طلبتكم انا عندي مشكله وهي الراتب الله يعين على هالراتب المهم زوجي ماشاءالله راتبه حلو بالنسبه لنا لأننا نعتبر عائله صغيره انا وياه وتوني والده ببنوته وعنده دين للبنك المهم يبقى من الراتب 4800ريال وابد ابد ابد مايعرف يصرف الراتب هذا وحنا ماندفع فاتوره مويه ولا كهرب وفوق هذا ممكن تلاقين يوم 5 او 10 بالكثير الراتب مخلص والسبب زوجي المبذر واللي من اول مايجي الراتب راح اغلبه على السوق لنفسه ولي انا كمان بس الصراحه الأغلب لي وانا والله اني كل شهر اكتب طلباتي الضروريه من السوق او الصيدليه او مكان معين عشان غرض معين بس هو يصر يوديني السوق على باله اني استحي منه ولما اقرر في البيت انو بس راح اخذ الشي المهم الاقيه يجبرني ويحلف اني اشتري اشياه فوق اللي شريتها ولعلمكم صارلي 3سنين متزوجه وهو على باله بعد هالثلاث سنين انو باقي ماامون عليه المهم عشان مااطول اكثر من كذا ابغى حل والله اني اتضايق من حالنا لو جاء علينا ظرف لازم يستلف من اصحابه واذا جاء الراتب واقوله لازم نوفر قال بس راح اعطي فلان 100 والثاني 300 والثالث مدري كم وعلى هالحال طلبتكم ساعدوني كيف اخليه يوفر مو معقوله كمان انا اوفر وهو يبذر حتى في السوق لما اقوله حنا متفقين مانصرف كثير قال طيب ولما نقعد نص ساعه في السوق يتغير كليا يقول الفلوس رايحه اشتري اللي تبغينه وبكذا يحبطني واقول في نفسي دامه راضي بشتري اللي ابي ولما يمر يومين اندم اني طاوعته عطوني حل ايه نسيت اقول انه يحب السفريات مره مستعد لو في جيبه 500 واقوله بس طفشانين شغل السياره وسافرنا ماعنده استعداد يفكر يمكن عشانه يمل لاننا في الباحه واماكن التمشيه محدوده



خلصت عطوني حل