مشكله ولدي بأول ابتدائي....

ماعليك ان شاء الله بيتعلم

انا كنت اعلم بنتي وهي عمرها 3سنوات

بس ماكانت تفهم
فاعلمتها سورة الكوثر
والحمدلله حفظتها
ولما دخلت الروضة تعلمت لكن مش

كثير لانها خذت شهر بس للاسف

ودخلت اول والحمدلله حفظت صح بلبداية

بيتعبك لكن لاتخافي بيحفظ

بئذن الله



استغفر الله العظيم

خليه يروح مع أبوه يصلي في المسجد وبيحفظ الفاتحه ان شاء الله
وأشتريله اللاب توب اللي فيه صور القران القصيره سعره بسبعين ريال بيسهل عليك الحفظ
وأنتي تشتغلين أو جالسه معه كرريها معه أسهل بالحفظ من أنك تجلسينه وتخلينه يعيد وراك لأنه بيزهق
الله يوفقك

شوفي ياقلبي اشتري له بابا سلام

انا الحين ولدي باول ابتدائي والحمد لله حفظها من بابا سلام واخوانه الكبار كانو يحفظون لحد جزء عما في بابا سلام

الله يعطيكم العافيه مشكورااااااااااااات على التفاعل

ياعمري لأنك ماتعودتي تعلمينهم

لكن قبل كل شيء .. حبيبتي لاتفرطي بتعليم ولدك القرآن بنفسك

خيركم من تعلم القرآن وتعلمه

تخيلي كل مرة ولدك يقرأ السورة لك أجر وأنت ماقرأتيها لكن لأنك علمتيه

ويعتبر هالشي للمسلم من الأجور المضاعفة

وفي كل خير تعلمينه بيكون لك أجر





القضية الأولى راح تكون في احتساب الأجر وأنتي تعلمينه

القضية الثانية حسيتك مسويتها أزمة وتلقينك معصبة ومتوترة بدليل انتقل التوتر لولدك

بتقولين من وين لك هالكلام بأقول استنبطته من دعاءه ياقلبي عليه



وأنتي تدرسينه خوذي الأمور ببساطة وسعة صدر حتى ينعكس على ولدك ويروح التوتر منه

بالبداية نبغى نحببه في المدرسة والتعليم

صعب يشوف الألعاب والملاهي والسوني و القيم بوي وكلها أشياء ترفيهية وفجأة ننقله لجو مشحون متوتر

بيكره المدرسة والتعلم

فنتدرج معه شوي شوي



ولدك يالحبيبة ماتعود يحفظ قبل وتبغينه مثل المسجل بضغطة زر يحفظ مرة وحده

طبعاً مايصير

وأرجع وأقول لازم التدرج في كل شيء

ولو تشوفينهم في المدارس بتلاحظين يجزأون السورة كل يوم آيتين أو 3 على حسب سهولتها وصعوبتها




وبأحاول أعطيك استراتيجية مبسطة واضاءات سريعة

نفرض الآن بتعلمينه سورة الفاتحة فيه أكثر من طريقة

والأخوات الحبيبات قدموا لك أكثر من وسيلة

اللي قالت يروح مع أبوه للمسجد في الصلاة الجهرية حتى يسمعها من الإمام وبعدين يحفظها

طيب صار زوجك مشغول أو مارضى نخليها قضية لأ

جيبيه عندك وأنتي تصلين السنة وقولي تعال صل معي وإقرأيها بصوت يسمعه وهو يردد معاك

إذا كنتي مشغولة عنه خليه مع بابا سلام

ولو ماقدرتي تشترينه لإنشغالك تقدري تجيبيه عندك في المطبخ أو أنتي تكوين الملابس

وإقرأي وهو يقرأ وراك

وممكن قبل نومه بدل حكاية ماقبل النوم إذا لقيتيه وده يحفظ ومتحمس للتعلم

وممكن وأنتي ترقين الدرج معه أو وأنتي تساعدينه في ملابسه

ولاتنسين ا لتشجيع .. وهي أهم خطوة في عملية التعليم

عندك مثال وأنتم تتغدون قولي ماشاء الله فلان حفظ الآية كذا من سورة كذا

والمكافأة بأي هدية ولو كانت بسيطة ولو تعذرت احضنيه والعبي معاه وحسسيه أنه سوى انجاز

بيصير هو يجي عندك ويقول علميني

وإذا ما أتقن ماتخلينها قضية وتحسسينه بالإحباط وأنه ما أنجز لأ

احضنيه وقولي اليوم قرأنها وبكره إن شاء الله نحفظها

قولي آمين ربي يبلغك فيه في أعلى الرتب و يبلغك فيه حافظ لكتاب الله


أحب الأمهات الحريصات على عيالهم وأفتخر فيهن

الله يشفي بنتك ويعافيها ويكشف عنها

و الله لايحرمك الأجر