مشكله ومحتاجة لقرار

السلام عليكم انا متزوجة من ٨ شهور وكان زواجي فيه صعوبات وتوقيته ماكان مناسب لي لكن حاولت اتخطى هالشي انا عندي مشكله صحيه وزوجي يعرفها وشافني الشوفه الشرعيه وتم الزواج كان عندي صعوبه بالعلاقه اربع شهور جلست من طبيبه لاخرى وكلهم يقولون مافيك شي المشكله منه واستحي ان اتكلم معاه لان الرجل ماتدرين كيف يتقبل في فرق بينا بالتفكير احيان يحس كلامي اهانه وانا والله لارفعت صوتي او تلفضت بس فرق البيئه والدراسه لها دور وحاولت اتفهم الاختلاف بينا بقدر الامكان بالقوة تخطيت موضوع العلاقه لكن يجيني من فترة لفترة خوف من بعض الوضعيات واصلا مااقدر عليها صحيًا وتحاول ابين له واحس ينقلب وجهه وصرنا وصعبه وحده كانت مناسبه لي بس هو ملول وكذا مره يصير موقف انو لما نشرع بشي انا ماقدر اتحمل الالم 😣ونوقف بنص الشي واحيانا يطلب اشياء غريبه انو نكون بالسيارة وابدا مايناسبني رضيت الاولى الثانيه الثالثه بعدين استحقرت نفسي احس مو مكان مناسب ودخلت مرحله صدمه على اكتئاب بسيط عندي تراكمات رزقني الله سعوده الفين ريال وهو راتبه الصافي منه بعد القروض واجار البيت الفين لما عرف اني سعوده قالي مالي شغل فيك مصاريفك عليك صدمني بكلامه وماقدرت اتخطاه ابدا جرحني رغم اني طبيعي اذا معي فلوس ماراح اطلبه بهالوضع فاجئني انه جاي بافكار يبي اشاركه باجار الشقه ومصاريف البيت رفضت بالبدايه وقال مجرد مزح صار موقف طارئ واضطريت اني اعطيه مبلغ بسيط ومن يومها وهو متعلق برقبتي امتحني امتحان يطلب على مبالغ استحي اني ارفضها ويوم اجمعها اطلع ذات قيمه يمكن اللي صرفته عليه ٧٠٠٠ كل مره ياخذ مني خمسين عشرين ١٠٠ طالعين مشوار يقولي البنزين خلص ممكن تعبين وبعدين اردها ويسحب علي ومايعبي الا فل اذا على حسابي اطلع بروح اتسوق لنفسي يشتري على حسابي لنفسه بنات انا مصدومه جدا الاولى بلعتها الثانيه الثالثه بعدين قلت له بشكل صريح انو انا زوجتك وانت المسؤول عني يابنات انا مو ضد المشاركة لكن كنت اقول شي مقابل شي تعامله عادي فيه حسنات وفيه سلبيات زي اي انسان لكن هالصفه اللي فيه افقدتني الامان ماحس اني مع رجل مسؤول مرة دخل علي معصب يقول شاركيني وانا والله العظيم اني كنت دافعه موونه البيت ورمضان على الابواب واضطر اتسلف من اهلي وارقعها اني اخجل اطلبه بعد الموقف ذا احس شي داخلي انكسر من ناحيته صرت مااثق فيه ماديا واتفاجئ انه يعطي اهله وهم مو بحاجة الكل موظف واللي مشاريع دخلهم ٣٠٠٠٠ الف من تزوجته وانا بشهر العسل وهم يتصلون عليه نفس طريقته يحول عشره خمسين مبالغ يستحي الواحد يطلبها وهو نفس الحكايه ياخذ منهم انا مو ضد انه يعطي اهله انا بس مصدومه من طريقتهم والوضع يضغطني نفسيا صدمني ماعطاني هديه شهر عسل وكنت وقتها مو مهتمه ماديا كثر ماانا ابي افهم شخصيته لكن اشوفه سخي مع الجميع لو يضطر يتسلف بس معي لا اخذني على اساس عندي شقه كامله متكامله دخلت حتى ملعقه مافي صبرت وانا على جمر وكل مره اخذ اغراضي بالقطاره الين قبل ثلاث شهور طفح كيلي من اهله لانهم مايعرفون وضعه او يعرفون بس انتقاد ايش ماتسوي وليش ماتطبخ وليش وانا احيان خبز ماعندي والله العظيم ماشفت هالشي عند اهلي ولا اللي حولي وصبرت قلت اشتري رجل بعدين لاحظت اني صرت انام كثير وماعندي شغف وماقدر اقوم بشغل البيت عرفت اني اكتئبت مسكته وصارحته واوعدني يعدل الشي ذا انا حاليا عند اهلي اجازه واحس مابي ارجع لان مو حاسه بامان واهله يحضرونه علي وفهمته وكانه فهم وانا اكبر منه بثلاث سنوات وابوه يناديني العجوز وانقهر حاليا انا وهو بدينا نتناغم لكن ابي حلول كثيرة
اولا كيف اضبط ميزانيه البيت لان خمس ميه مصاريف سيارته يبقى الف وخمس تطير باسبوعين لانه مدخن

كيف اعلمه يصرف علي وماابي ياخذ من راتبي بطريقه استغلاليه البقاله كل شي علي وانا تعبت لدرجه فكرت افضل وتقريبا باقي شهريا واطلع منها علشان كذا خايفه ارجع معاه

بالبحث والتحري اكتشفت انه نمطه شمالي غربي وهو نمط صعب كيف اتعامل معاه
كيف البي احتياجاته الجنسيه بمقدوري وكيف اكسبه واكسب ثقته
ماعندة التزام بالعمل ويكرة دوامه هو عسكري لكن باعمال ثانيه هو منجز ودقيق شلون احل هالنقطه

كيف اخلي بينا حوار رومنسي لان كلمه احبك واحبك صارت ممله وهو انسان ملول ومزاجي وماعرفت كيف ارضيه
ابي وضعيات مناسبه مافيها الم هو دائما يطلب وضعيه السجود او وضعيه واقفه وهذي مولمه لي وابي احمل


شلون اخليه يتعلق فيني بالمكالمات

واخر شي ابي تدعون لي بانه ربي يسخره ويهديه ويالف بينا