مشكله ويبالها حل وبسرعه

السلام عليكم خواتي عضوات منتدى حواااااااء

في البدايه احب ارحب فيكم وبكل من يقرى هالموضووووووووع واتمنى انكم اتردووون علي لأنها مشكله ويبالها حل وهي مشكله محده من رفيجاتي وما عرفنا كيف انحلها



المشكله وباختصار انه صديقتي صار لها فتره مو بعيده متزوجه يعني تقريبا شهرين
بس بدت اتحس انه حياتها صارت روتين يومي وممل وتبي اتسوي اي شي عشان تكسر هالروتين يعني تبي افكار اتغير عليها الروتين

راح اذكر لكم شو النقاط اللي نباها بالضبط

1_ اول شي تبي اتسوي حركه رومانسيه حق ريلها بحيث انه يستانس وانه اتكوون حركه دلووووعه ( علما انه ريلها مو مال هالسوالف يعني طقه قديمه ما يعجبه شي ودووووووم ايعلق على اي شي )

2- اتغير من لبسها بهذا اليووم ( علما انه زوجها ما ايعلق على اللبس اذا كان حلو ولا لا تعليقه بس مصخره لو عاجبنه اللبس بيعلق بسخريه )

3 - كيف اتعرف شو اللي يعجبه واللي ما يعجبه لأنه ريلها مو من النوع اللي ايطالع او اللي ايهمه اللبس ولا شو امسويه واذا كانت متعدلتله وكاشخه وامتمكيجه ايقول لها ليش متصبغه جذي ؟؟؟ وين بتروحين عرس ؟؟؟؟

4 - اذا لبست له اشياء دلوعه مثل التنانير القصيره او الشورتات ايقول لها ما تستحين انا متستر اكثر عنج ؟؟


ويعني ما يعجبه شي من اللي هي اتسويه ولو كان لبسها اللي لابسته حلو ما ايقول لها بنفس الوقت يالله ايقول لها انه اللبس هذاك كان حلو بعد اسبوعين او ثلاث



شو اللي ممكن انها اتسويه عشان تكسر هالروتين واتخليه ينطق ؟؟؟ بس لا اتفكروون انه مافي حب بالعكس في حب و بصراحه هو ايحبها بطريقه ما تتصووروونها الللللله ايخليهم لبعض يعني هو ايحبها اكثر من ما هي اتحبه بس مثل ما اتقولون زوجها طقه قديمه

وهو ما ايهمه شي غير الرياضه

يعني شو الشي اللي ممكن اتسويله يااه عشان اتفاجأه او شو من الحركات اللي ممكن اتسويها له عشان اتفرحه


واحنا بانتظار ردوودكم وباسرع وقت ممكن