مشكله ويبيلها حل

اختي اتمنى اني اساعدك بس بعطيك وجهة نظري وانشاء الله تفيدك يارب ..

اولا : انتي عارفه قول الرسول ..فيما معناه ان الزوجه تلعنها الملائكه اذا بات زوجها غاضب منها .. فراعي هذه النقطه قبل اي شي اخر ..

ثانيا: حاولي تروحين له في وقت يكون هو رايق وتجيبين له القهوه مع شوي الفاظ غزليه ..مثلا ليش ياعمري زعلان
ياحبيب ولا يهمك كل شي الا زعلك ومن هل كلام ؟؟ << ما ودي اتعمق بعدين يحذفون ردي ..يعني تسحبينه شوي شوي لين يكلمك ولا تناقشينه في الموضوع الي كان سبب زعلكم الا اذا هو ناقشك فيه وتحاولين تهدين من اعصابه اذا هو تنرفز وتقولين له انك ما كنت تقصدين بس وجهة نظرك كانت كذا وانت ما فهمتني ..

بعدين تقولين انك انت رجال البيت وتاج راسي وابو عيالي ما نستغنى عنك وما ارضى اشوفك زعلان مني ومن هل كلام ..

ثالثا : اذا ما نفع التفاهم معه مالك الا ابوك او اي احد ولي امرك يحاول يحل معه المساله ويتناقش معه ..

يارب اكون افدتك اختي واعذريني على جراتي بس والله ودي اساعدك باي طريقه :27: :26:

:27: ولا يهمك تصير

دايما الرجال ما يحبون حريمهم يناقشونهم ابدا ابدا

خصوصا لو حاولتى تثبتين ام تصرين على شي

يموتون قهر

صراحه انتى غلطانه انج تامه اسبوع ما تكلمينه

الرجا لعادى عندهم خبر خير بالعكس يفرحون

بزعل حريمهم عشان ياخذون راحتهم

عموما دايما لما يزعل زوجك منك

لازم بنفس اليوم تراضينه

سواء انتى الصح ولا هو

انتى أدى اللى عليج وراضيه

اذا رضى كان بها

ما رضى حاولى معاه

لما تيأسين

ازعلى انتى

مو تسكتين اسبوع :(

ضايقيه باشياء

مثلا تطبخين خربي شوى

ملابسه ما تنكوى حلو

اى شي يحبه خربيه شوى

حتى يحس انج متضايقه

لان الرجال ما يهمهم زعل الحرمه

وما يحسون الا لو ضايقتيهم باشياء يحبونها

مثل اكلهم وملبسهم ووقت نومهم ( شويه ازعاج بيكون تمام)

____________________

من طرق انهاء الزعل هو انج تحفزين الزوج للكلام

والرجال ما بيتكلم بهالحاله الا لو زعلتيه بشي :) ههههه

اذا دخل مكان اطلعى منه

احرميه من الاكلات اللى يحبها

لما يكون موجود تكلمى بالتلفون واضحكى بصوت عال

هالامور بتخليه يفور وبيضاربك

والضرابه او خطوه لقتل الصمت

لما تتضاربون قولى له انت تقول لا اكلمك

ولا كانى زوجتك

انا قصدت افهمك وجهه نظرى

ما قصدت افرضها عليك الله يهديك

_______________

كل اللى ذكرته لج امور اختياريه

ما تطبقينها حرفيا

لان كل زوج يختلف عن الثانى

وانتى الادرى بزوجك

وبالخطط اللى بتنسابه مثلا

واحنا نبى نزعله شوى حتى تتصالحون

مو تسوين شي يخليه يتجنن

:26: وتذكري الحكمه فى الزعلات بين الازواج

اذا زعل زوجك وراضيتيه وما رضى
ازعلى انتى منه وغايضيه

والله اعلم

اتمنى تحاولين تكسرين حاجز الصمت
ولا تطولون بالزعلات هالكثر عاد

هه نسيت اقولج

لا تدخلين اى انسان بينكم

من اب او ام او عم او غيرهم

هالشي يخرب الحياه الزوجيه تماما تماما

أختى الحبيبه .. بنت بلادي .. تدرين إن زوجك يتألم نفسك لآنه مو قاعد يكلمك بس يكابر ويبيها منك إنك تراضينه وتقربين منه وتبوسين راسه وتقولين أنا غلطانه وسامحني

لو كنت تشوفين رايك على صح لا تتأسفين بس أكتفي باللي بقولك إياه...

... شوفي يا الحبيبه

اليوم وقبل كل شيء أكشخي كشخه محصلتش ..
وبعدين روحي هاتي لج ورده لو حتى بلاستك وبخيها عطر ولمن بيروح ينام دخلي عليه الغرفه وحاولي تكونين مفرفشه وأول ما تصكين الباب قولي حنإفل الأوضه بالترباس وحتتباس يا عباس :42: أو غنيله رضي والله وراضيناك أو من أغاني الزعل أو نشيده أي شيء يناسب الموقف:o طبعا لازم تكونين مفرفشه وناويه تكسرين هالصمت وهالطناقر اللي مالها داعي
وبعدين استلي سيف الورده ... وعليك الباقي

أو إن كنت من النوع المكابر وتفضلين الرسايل كتبي له رساله أو بيت شهر يؤدي الغرض عندي والله بيت شعر ..

لك ما ترى بين الخلائق والوري ولي الذي مالاترين ولا أري
لا لن اقول بأن رأيك باطل لكنني قد لا أراه نيرا

مو حافظه البقيه فالسموحه

مادامه قال لاتكلميني انا من رائي انك تكتبين له ورقه اورساله وتعتذرين فيها
اكتبي فيها كلام يفرحه وينسيه اللي صار ورااااح يرجع يكلمك :26: