السلام عليكم ورحمة الله وبركاته ..
كيفكم يابنات..!!
بقول لكم مشكلة أم صديقتي ..
طبعا انا استأذنت منها اكتب لكم الموضوع لانها عجزت تلقى حل وتعبت نفسيتها
قلت لها انكم ماراح تقصرون ومتأكده ماراح ماتخيبون ظني ..
أمها انسانه محترمه وملتزمه عمرها قريب الخمسين .. انا والله ماشفت منها الا كل خير حنونه وطيووبه
بس للأسف اكتشفت انو تحت التزامها بلاوي..
تخيلوا يابنات تقول البنت ان امها تغيرت فجأه ..
اذا دخلت عليها الليل تشوفها تكلم
الصبح تجيها مسجات صباح الخير يادنيتي ومدري ايش
باختصار السالفه انها مع مراقبة أمها اكتشفت انها تكلم رجال..!!
انا انصدمت .. وربي ان امها ملتزمه حتى القفازات تلبسهم وعباتها على راسها ولاتسمع اغاني ولا شي
قالت لاختها الكبيره واختها الكبيره بحدود 25 سنه انصدمت وانهارت وقامت تبكي وراحت تهاوشت مع امها
بعدين لما هدت ناقشتها وامها تنكر وتقول انتوا تتبلون علي ياويلكم من الله
بعد فتره جاهم اخوها الصغير ينام معها بالغرفه قال لها انه يسمع امها تكلم رجال بالليل ..!
استخفت البنت وراحت تناقشت مع امها بكل هدووء بس امها مصره على نكرانها
ودرا اخوهم الكبير وراح للحقير بالسكين وتهاوش معه وهدده
هدت الامور ..
بس بعد فتره اكتشفوا انو مع امهم جوال ثاني صغير مخبيته عنهم ..!!
البنت منهاااااره ومتحطمه ماتدري وش تسوي
لاتسألون عن ابوها لانه مايدري عنهم ولو درا راح يدفن امهم
جد مشكله محيره
المشكله الام مصره على نكرانها .. قالوا لخالتهم وكلمت امهم بس مصره على ان عيالها يتبلون عليها ..
ياليت يابنات تتفاعلون مع هالمشكله لان البنت وربي نفسيتها دمار بس تبكي تقول مااصدق ان امي تسوي كذا
وانا ماالومها لا وربي وربي ان امها عسل وتدخل القلب ..!
منتظره ردودكم حبيباتي على احر من الجمر ..!
قحطآنيه كول @khtanyh_kol
عضوة نشيطة
يلزم عليك تسجيل الدخول أولًا لكتابة تعليق.
يقولون اللي يقولون
•
يعني الحين مو اي وحده تلبس عباية كتف وتفتش فاسده وضايعه وقليلة ادب بنظركم !!!!!!! طلعتوا حتى انتم ياامهات القفازات وعباية الراس بلاوي !!! صدق ان اللبس والعبايه عمرها ماتقيم البنت لو تقطعتوا وتفلسفتوا واحتريتوا وانقهرتوا ... وهالقذره اكبر دليل .. شوفي عزيزتي نصيحتي يلزقون بأمهم اربع وعشرين وبالذات البنات وين ماتروح يروحون معاها لو ياخذونها مداور بينهم .. بدون ماتشك ان قصدهم مراقبه .. لكن يمكن تحس جواتها وتعقل وتهجد .. واذا مافيه مجال يهددونها بأبوهم بس بدون مايقولونله بس مجرد تهديد .. ويقولونلها نبي نستاجر ونطلع نتركك مع هالسربوت يالمراهقه
لا يمكنك مشاهدة هذا التعليق لانتهاكه شروط الاستخدام.
الله يعينهم و يهديها ويردها لهم ردا جميلا
اختي يقولون الي يقولون كلامك مردود عليك لبس العبايه الساتره واجب على كل مسلمه بغض النظر عن اخلاقها وحتى لو اخطئت لها فرصه تتوب لرب العباد واللي تلبس عبايه على الكتف وكاشفه وجها هذي عاصيه رب العالمين حتى لو اخلاقها راااااقيه وما اذن فيه عاصيه اخلاقها ذوق انتبهي لكلامك ترى بتحاسبين عليه وانا ما قلته الا من خوفي عليك
اختي يقولون الي يقولون كلامك مردود عليك لبس العبايه الساتره واجب على كل مسلمه بغض النظر عن اخلاقها وحتى لو اخطئت لها فرصه تتوب لرب العباد واللي تلبس عبايه على الكتف وكاشفه وجها هذي عاصيه رب العالمين حتى لو اخلاقها راااااقيه وما اذن فيه عاصيه اخلاقها ذوق انتبهي لكلامك ترى بتحاسبين عليه وانا ما قلته الا من خوفي عليك
مشكورين خواتي على تفاعلكم وردودكم ..
بس ياليت تركزون على المشكله نفسها وماتتفرعون بالاشياء الثانيه
وجهات نظركم مختلفه لكن مو هذا موضوعنا ..
اتمنى القى منكم حلوول بعيد عن السب ياخواتي الحبيبات
يعني هي متحطمه وانتو تحطمونها زياده بردودكم
وحنا مالجأنا لكم الا لثقتنا في آرائكم السديده ويارب ماتخيبون ظنونا ..
بانتظار الباقي :(
بس ياليت تركزون على المشكله نفسها وماتتفرعون بالاشياء الثانيه
وجهات نظركم مختلفه لكن مو هذا موضوعنا ..
اتمنى القى منكم حلوول بعيد عن السب ياخواتي الحبيبات
يعني هي متحطمه وانتو تحطمونها زياده بردودكم
وحنا مالجأنا لكم الا لثقتنا في آرائكم السديده ويارب ماتخيبون ظنونا ..
بانتظار الباقي :(
الصفحة الأخيرة