مشكله يبغالها راي الحكيمات

السلام عليكم ورحمه من الله وبركاته يا بنات عالم حواء
ان شاء الله تكونو في اتم الصحه والعافيه
بنات ارجوكم ابغى راي الحكيمات في مشكلتي اللي عكرت عليه صفو حياتي
المشكله وما فيها
من سته شهور تقريبا نقلت بيتي اللي استنيته بفارغ الصبر من سنين ذقت فيها الامرين وفي النهايه يا فرحه ما تمت
زوجي بنى شقه ليه وشقه لاهله البيت مكون من خمسه غرف طبعا جهة الضيوف باب مستقل فيها غرفتين وصالة استقبال دورة مياه وانتو بكرامه والباب التاني الباب الرئيسي طبعا فيها صالة المعيشه وغرفه لاولادي وغرفه لبناتي والغرفه الرئيسيه اللي هيا غرغة نومي طبعا تتسالون وين المشكله ؟
المشكله ابو زوجي عنده مصنع جلود كان مسويه في حوش هو مستاجره الحين صاحب الحوش قالوه اخلي
وانا يا طويلات العمر بحكم الظروف بس اثثت وحده من الصوالين والصالون التاني لسه فاضي زوجي قالي قدام شويه ناثثه قلت طيب
امس رجع زوجي مع ابوه وعلى طول لا احم ولا دستور دخلوه من باب الضيوف وفتحوا باب الصالون الفاضي انا استغربت وعلى نياتي قلت يمكن زوجي الحبيب يبغى ياثث لي الغرفه قلت خير ان شاء الله يقول ابويه كان يبغى يشوف الغرفه قلت ليش يقلي علشان يبغى ينقل المصنع هنا وانا هنا كانه احد صب على راسي مويه بارده:09:قلت نعم
يقولي ابوه يقول حل موقت انا طبعا رفضت رفض قاطع قلت لا لا لا البيت جديد والعفش حقت ابوك كله زفر وغره وشحم يقولي طيب انا في موقف صعب ايش اقله هو طلب مني كيف ارفض للعلم بيته نفس بيتي طبعا اذا طلب هالشي مرته ما راح ترضى وفوق في الدور التاني في ملحقين مكونه من غرفتين ومطبخ ودورة المياه وحده منها اخوه ساكن والملحق التاني فاضي والرجال ما حلا في عينه الا بيتي الصالون الفاضي يقول اليين ما تاثثه خليني استفيد منه بنات قولولي ايش اسوي وكيف اتصرف من غير ما اجرح احد للعلم المصنع حقته زوجي كان يحكيني يقول مليانه فيران يعني لو جاب العفش عندي طبيعي الفيران تجي مع العفش اعذوروني للاطاله
واتمنى الاقي الحل المناسب عند الحكيمات