مشكلي مع الهآي السكول .. ارجو الدخول

الله يعينك
ماعندي فكره بس ان شاء الله البنات يساعدونك

ياعمري والله الله يعينك ..ان شاء الله هي مساله وقت ورح تتاقلمين ..واحتسبي الاجر في كل عمل تسوينه في حجابك في تصرفاتك في علاقتك مع الاخرين واللغه ان شاء الله مع الوقت رح تعرفينها حاولي تقرين قصص قصيره وحاولي تسمعين انجلش كثير من التلفزيون والنت ..
ودايم خلي كلام الله سبحانه وتعالي هو محور تصرفاتك "ولاتهنوا ولا تحزنو وانتم الاعلون "
الله كرمنا بالحجاب وهو مصدر فخر لنا ..والاجانب يحبون اللي يتمسك بعاداته وتقاليده مهما كانت ..
ودايم قولي الاذكار عشان الله يحفظك ..والانسان الذكي هو اللي يقدر يتاقلم مع بيئته بسرعه فيه ناس لهم سنين مولودين في بريطانيا وعايشين فيها ومع ذلك متمسكين بمبادئهم وقيمهم ..وهم شعب متفهم ..
حفظك الله اختي واعانك ..

اهلين حبيبتي
انا درست الهاي سكول في كندا وحاسه بمعاناتك كتيييييييير

بس صدقيني ياقلبي الهاي سكول بشكل عام فترة كل الطلاب يكرهوها يعني سواء معاك لغه او مامعك راح تكرهي عمرك
لأنه نظام الصداقات يصير كل قروب لحاله (قروب القيكس - قروب الصايعين- قروب الايمو) الخ الخ
وانا كنت دايما لوحدي في اللانش
وهالاشياء اللي ساعدتني
- اول شي لاتخافي بالنسبه للغه لانه مع الوقت راح تاخديها وبالعكس راح تتعلمي بسرعه ان شاء الله اسرع من المعهد لانه الضغط النفسي في الهاي سكول يفرض عليكي انك تتعلمي بسرعه
- ثاني شي اذا بيتك قريب من المدرسه روحي البيت في فترة اللانش انا ساكنه جنب المدرسه وكنت وقت اللانش اجي البيت اصلي واغسل واتغدى وارجع المدرسه واحيانا اجي البيت انام نص ساعه بعدين ارجع المدرسه
- ثالثا بالنسبه للصداقات ما ادري انتي مدرستك مافيها طلاب اي اس ال؟ كيف تتعلمي انجليزي؟ انا اغلب اللي تعرفت عليهم كانو من طلاب الاي اس ال مع انه ولا واحد فينا بيفهم عالتاني بس تمشاية حال واحسن من ولا شي
- رابعا وهالنصيحه راح تفيدك كتيييييييييييييير وهي انك تشتركي بنشاط خارجي مع المدرسه مثلا في كثير clubs
ما ادري عن مدرستك ايش نوعية الكلبز اللي فيها بس انتي شوفي شو ميولك واسألي عنها مثلا في قروبات للرسم او قروبات للخطابه او قروبات سياسيه او قروبات اليير بوك او قروبات جريدة المدرسه وووووو
انا وقتها اشتغلت مع جريدة المدرسه لانه كان عندي فكره عن برامج التصميم وبعدها استلمت ادارة تصميم الجريده وصدقيني بعد ما الناس عرفت انه انا المصممه صار الكل يسلم علي وبده يصير فرندز معاي والاساتذه صارو انواع اللطافه معاي يعني صار لي قيمه بالمدرسه مع انه على فكره وقتها لغتي ماكانت ميه ميه بس اشتراكي بمنظمه مهمه عدل من سمعتي

- خامسا بالنسبه للرجوع للسعوديه انتبـــهي لاتسويها لانه ماراح تستفيدي شي وخاصة انك بديتي هنا شعورك هادا طبيعي انا بتذكر في صف 9 سويت مناحه انه بدي اترك الهاي سكول خلاص وبدي ارجع السعوديه بس بصف 11 و12 عرفت اني هبله لو كنت رجعت! لانه اذا اخذتي الهاي سكول من هنا القبول بالجامعه اسهل لك بكثييييييييييير لا تحتاجي توفل ولا يحزنون والاوليه لك لانك درستي الثانوي عندهم هذا غير انه ماراح تتعبي في اللغه بالجامعه وخاصة في صف 12 يدربوكم على طريقة الدراسه في الجامعه بس لو درستي بالسعوديه راح تجي وقت الجامعه مفجوعه وتشوفي الطلاب كلهم سبقوكي

- على فكره نفسيا الصفوف العليا في الهاي سكول اسهل بكثير من الصفوف الدنيا لأنه في تاسع وعاشر يكون الطلاب خليط مليط من جميع الانواع بس بالصفوف العليا كل الطلاب اللي ماهم جديين في امر الدراسه يتركو الدراسه او الطالبات اللي يجو المدرسه عرض ازياء يتركو المدرسه لأنه يلاقو لهم شغله تجيب لهم فلوس ومايهمهم الدراسه عشان كذا راح تشوفي صفوف 11 و12 مره طلاب محترمين وجاديين بالدراسه

- اما عن الحجاب شوفي حبيبتي انا واختي كنا المحجبات الوحيدات في مدرستنا مع انه كان في مسلمات كثير بس يحطو الحجاب يوم وعشرين يوم يشيلوه الدعوة مسخره مو حجاب! بس تعلمت انه انسق حجاباتي وعباياتي وملابسي بطريقه مرتبه وانيقه وستايل وبكذا يصير شكلك حلو وماحد يضايقك ان شاء الله انا واختي على بال ما تخرجنا من الهاي سكول صار فيه اكثر من عشرين بنت يلبسو عبايات في الهاي سكول لأنه تأثرو فينا وقلدونا وعطيناهم فكره انه الحجاب مو لازم يكون شي مو حلو ممكن بالذوق يكون شكله انيق وحلو :)
شوفي حجابات ملونه رايقه بنوتيه مثلا من محلات زي كليرز واردينز وايسنق ونسقيها مع ملابسك ودايما اغسليها واكويها وخليكي مثال للبنت النظيفه الانيقه المرتبه اللي حتى الاجانب يعجبو فيها وفي ملبسها المحتشم :)




بالنهايه حبيبتي مثل ماقلت لك جدا جدا جدا طبيعي انك تكرههي المدرسه ان كان الكندييين نفسهم يكرهوها فما بالك مع اللي عنده عائق لغه ودين وعادات واصحاب وووو
بس لاتشيلي هم الجامعه مع انه تعبها وكرفها صعب موت الا انها بيئه افضل بكثير من الهاي سكول وبعيده كل البعد عن الدراما :)

اي سؤال ياعسل خدي راحتك والله يختار لك الخير يارب :39:

الله يوفقك حبيبتي

وفتر وبتعدي :)

تحياتي لك ولأمك :26:

يارب يهئ لك الصحبه الصالحه ....بس لازم تقوين نفسك وشخصيتك واصبرى وهذا كله ا ن شاء الله لمصلحتك فكرى بالمستقبل وان شاء الله ترتاحين حاولى تجتهدين فى دراستك وتثبتين نفسك و الله يوفقك.