مشلكتة بنتي مع التركيز

صباح أو مساء الخير لكل الأمهات..

مشكلتي باختصار هي إنه عندي بنتي الكبيرة عمرها تقريبا ثلاث سنوات ونص، شاطرة وذكية وبتعرف كل شي، بس في عندها مشكلة عاملتلي أرق كبير وهي إنه ما عندها خلق تقعد تعمل نشاط معين مهما كان، يعني متلا إذا أعطتيها ترسم بتمسك القلم وبتصير تخربش ثواني وبتقوم، إذا أصريت عليها وقعدت ألون معها بتلون شوي وبتصير كل ثانية بدها تغير لون وتغير رسمة..

إذا قعدت ألعب معها في ألعابها برضوا ما بتقدر اتضل تلعب في نفس اللعبة أكثر من دقائق معدودة، برضوا بتثصير بدها تغير اللعبة كل شوي..

هي بتروح على الحضانة وشاطرة وبتعرف كل شي بس مسألة قلة التركيز هذه مخوفتني على مستقبلها الدراسي كتير.. وفي شغلة صارت من فترة دايقتني كتير، وهي إنه رحنا سجلناها في المدرسة للسنة الجديدة فعملوا معها مقابلة، وفي المقابلة ما قعدت ولا ثانية وصارت تتصرف كإنها بيبي وصارت تركض وتنط وما رضيت تقعد من مرة ولا ردت على المعلمة اللي كانت تسألها، صرت أنا لاحقتها وأسالها وهي تجاوب... وطلبت منها ترسم ما رضيت مسكت اللون وشخبطت على الورقة ورمتها.. والنتيجة كانت إنهم رفضوا ياخدوها في المدرسة، قالوا إن البنت عندها زيادة حركة.. وحطينا واسطة وهلا راح يعملوا مقابلة تانية يوم السبت وخايفة تعمل نفس الشي وبرضوا ما ياخدوها.

أنا بقضي وقت كتير معها وبلعب معها وبعملها كتير شغلات أحاول أخليها تقعد وتركز بس كتير تعبتني..

حتى بتطلب تحضر CD's رسوم متحركة على الكمبيوتر، بتتفرج شوي وبتصير تقلي غيري حطيلي واحد تاني..

يا ريت اللي عندها تجربة من هالنوع مع أطفالها تفيدي وتقولي شو سوت وغذا تحسنوا..

بعرف إنه في ملف للأطفال الي عندهم فرط حركة وقلة تركيز بس بصراحة الملف كبير ومتعب للمتابعة. :44: