مشلكتي زوووجي

السلام عليكم

بنات انا اكتب لكم وانا مهموووومه مع ان ماكان في نيتي اطلع شي عن حياتي الخاصه بس احس طفح الكيل
ودي افضفض اشتكي لاحد يسمعني اشكي حالي اللي انا فيه :(

زوجي الحمدلله طيب ومتدين وحبوب وانا طبيعتي حساااسه جدا اقل شي يأثر فيني بس اني كتومه ماابين ولااوضح

اول ايام زواجي كنت مبسووووطه بالمره وكنت احس نفسي اسعد انسانه في الدنيا كان طيوووووووب معاي بالمره وكنت مبسوطه من هالشي
كان يسمع لاي كلمه اقولها اي شي اطلبه يقول حاضر :09:

حملت وولدت وصار لنا 3 سنين متزوجين وطوال هالفتره صرت احس زوجي يتغير شوي شوي
بعد ماكان حبوب ويسمع كلامي صار العكس بس يحب يقول لا لاتفه وابسط الاسباب واذا عاندته او ترجيته يزيد في رفضه
واذا ماشيته وسمعت كلامه احيان يلين ويقول طيب اوكي
وهالفتره بس صار يزعل لاتفه الاسباب
يزعل اذا نمت للظهر وماقمت الصبح
يزعل اذا سهرت ومانمت بدري
يزعل اذا كنت عند اهلي وطلعنا للسوق وتأخرنا في الرجعه((مع ان الرجعه مو بيدي عشان اقول لامي يلا نرجع البيت:09:))
احسه صاير زعوووول وبقوووه
وكله كوم والسوق كوم ثاني
اذا قلت بروح للسوق يستغل السين والجيم
اش بتاخذي اش تبغي اش بتسوي بس تبغي تتمشي في هالاسواق وبالاخير يوديني بطلعة الروح وبعد مااكره الطلعه
وانا اصلا صرت ماروح الا للضروره القصوى كرهت الاسواق من تصرفاته واسألته اللي مالها داعي

احيان اقول من ضغط الشغل واعذره بس احيان احس نفسيتي تتعب واحس اني بنفجر اتحمل اتحمل بس في الاخير ... :icon33:
مشكلتي ماعرف اعبرله ماعرف اشرحله واوصفله احسه مايسمعني ولايهتم في اللي اقوله وكلامي كله في الهوا مايأثر فيه ولايغير فيه شي :09:


خاطري احس بحنانه احسه مهتم فيني يداريني يكلمني بحنيه يسمع شقول يفهمني
حتى اسلوب كلامه ناااااااااااشف ودايم اقوله بس مافي فايده:icon33:يقول كلام فاضي وماله داعي

مااظلمه
صحيح ان في اوقات يكون حنين وحليو بس اغلب الاوقات احس انه ناشف طبعه ناشف بس والله تعبت :( نفسيتي تعبت
والله احيان اشوف واقارن بين حالي وحال البنات اللي حولي واحسد اللي ازاوجهم رومانسيين ومهتمين فيهم :(

بنات طبعا زوجي مثل مافيه عيوب فيه حسنات والحمدلله
بس انا حبيت اعرف كيف ممكن اعالج واتخطى هالعيوب اللي فيه واللي هو يشوفها صغيره وتافهه بنظره بس انا بنظري كبييييييييييييييييييره جدا :44: