مشهد لم اتوقعه ..ادخلو اسمعوا القصه

والله يابنات من كثر ماني مستغربه من درجة الجرأه اللي وصلوا لها البنات تحمست اكتب لكم القصه علشان أعرف ردودكم عليها كيف بتكون؟؟ بس فضلاً لا امراً اللي تدخل تقول رايها بصراحه .... وهي لفتيات من دوله خليجيه لا تمثله هذه الفئه اطلاقا..
القصه حدثت امامي بمجمع تجاري في محل لاسنزا النسائي ..طبعا انا كنت هناك اشتري كم غرض وانا قاعده ادور على مقاسي استغربت حوار جرئ بصوت عالي مع البايع الصوت العالي مع البائع مش مشكله لانه دايم اسمع اصوات عاليه من نساء الله يهديهم المشكله هي موضوع الحوار وهو (كريم النكهه) اكيد كل المتزوجات يعرفونه..ايضا مش مشلكتي الحين كريم النكهه كلنا نسال عنه لكن حده السؤال ادهشتني واليكم الحوار بالكامل ..
الحرمه:هذا ايش ؟؟
البايع:هذا كريم خاص للمتزوجات .
الحرمه: انا اعرف انه للمتزوجات بس حق ايش؟؟
البايع :كريم خاص جدا بين الزوجين ..اكيد انتي عرفتي الحين!!
الحرمه: لا ماعرفت ابغاك انت تقولي (طبعا هي تعرف بس تستهبل)
حرمه ثانيه كانت معاها:خلاص انااعرف بقولك بعدين-تقصد اللي معاها-
الحرمه الاولى:لاااااااااا,, ابغاه هو يقولي وش دوره هنا؟؟
الحرمه الثانيه: لا لاتقول لها تراها تعرف كل شي بس تستهبل.
الحرمه الاولى وهي تكلم البائع الثاني :تعال انت قلي حق ايش هذا ؟؟
البائع الثاني :معروف حق وضع خاص جدا مع الزوج مافي اكثر من كذا توضيح.
الحرمه الاولى :طيب قلي ايش؟؟
البائع الثاني : لاحول الله خلي اللي معاك تقولك .
الحرمه الاولى انا ابغاك انت تقولي .
وبعدين تركها البايع وهو يضحك مع زملاءه , ونادتها وحده ثالثه كانت معاهم من عند الباب بصوت عالي ( يالله مشينا ),, قامت الحرمه الاولى تقول: بس تراك ماقلتلي حق ايش؟ وانا زعلانه منك وبرجعلك مره ثانيه بس لازم تقولي ..وراحت انتهى ,,,
-طبعا كل هذا الحوار باسلوب المزح مع البائع- على مرأى ومسمع من كل الازواج اللي كانوا مع زوجاتهم في ذلك الوقت بمن فيهم زوجي اللي استحى وطلع برا المحل ينتظرني وترا هالحريم اعمارهم يعني فوق الخمس وعشرين لحد الخمس وثلاثين يعني مش مراهقين,, وحتى لوكانوا مراهقين ماتصل الجرأءه ان تحاور الغريب في موضوع خاص جدا ...
( فالحياء شعبه من الايمان)