مشوار سنة علاجات وخلطات ورجعت لكم بالنتائج

حبيت اكتب تجربتي يمكن به احد يستفيد

- جربت كذا خلطة من التمر المطبوخ مع الرشاد وزيت الزيتون
- دهنت بزيت زيتون مقري به كل جسمي وتحملت بقطنه بها الزيت بحسب ما قيل لي ومسك اسود
- جربت البردقوش والكمون والميرامية وعشبة المدينة والفلفل الاسود والقرفة ايام الدورة
- رحت للمرخات الى قالت ما فيك شي والى قالت عندك هواء والى قالت عندك ميلان
- جربت عده وضعيات للجماع وبعد الجماع كنت اجلس فترة نايمة اقرا على بطني
- رحت لعيادة خاصة مدحوها لي فالدكتورة اعطتني كلوميد و حبوب الهرمون كذا شهر بس مليت منها وتركتها ورحت لاخصائية زحمة عندها لدرجة ما يجي دوري احيانا الا الساعة 11 بالليل كتبت لي حبوب ما درى وش اسمها وابر وحبوب للتثبيت يعني كومة علاجات وابر وبالاخير طفشت منها لاني حسيت بمعدتي صارت ما تتحمل

- رحت للممرخة وقالت عندك ميلان وسالتني عن دورتي فقلت لها ما صارت تنزل يعني يا دوب يوم يومين وبسيطة جدا واحيانا مجرد قطع صغيره قالت بس عندك انسداد واعطتني اعشاب

اول ما استعملتها نزلت مني دورة خفت منها بس خيوط وقطع

المهم بالاخير قررت اروح لمستشفى الملك خالد الجامعي لكن الزحمة عنده ترددت وبالاخير قلنا خلنا نجرب نروح للمستشفيات الي اثبتت نفسها مثل الحبيب
لكن باخر لحظة عدلت القرار ورحنا لعيادات الدكتور مرداد

تخيلو يا بنات وش صار.............

- صار عندي تليف بسيط فوق الرحم قالت الدكتورة يمكن يكون ضاغط على الرحم ومسبب ضعف بطانة الرحم عندي

- طلبت من زوجي تحاليل فصارت الحركة عنده ضعيفة فخيرتني بين انه يتعالج او التلقيح الصناعي

- كتبت لي حبوب هرمون الحليب الى نصف حبة الصباح ونص المساء فلما قلت لها ان الدكتورة الى قبلك كتبت لى نوعية ثانية الى تجي حبتين في علبه بس
قالت الى يعالج بسرعة يروح التاثير بسرعة فما اثق به خصوصا انه علاج جديد
بصراحة يا بنات استانست وحسيت اني اروح لها وانا مطمنه انها ماراح تتلاعب بالعلاجات علشان بس احمل

-النهاية ..........

عط الخباز خبزة ولو اكل نصه والى مو قادرة تروح للمستشفيات الكبيرة لا تخلي جسمها حقل تجارب للمستوصفات الصغيرة والاطباء الى مو كفو