شوفي انا ضد فكرتك وهذي وجهه نظري انتي لازم تعودينهم على شغل البيت بدون مقابل واللي يقولون لك حرام تكرفينهم انتي ما راح تكرفينهم انتي بتعودينهم على النظافه والحركه والترتيب بس على حسب سنهم وكل ما كبروا بتزيدين عليهم الشغل شوي بناتك ما راح يجلسوا معك العمر كله راح يتزوجون ويعاشرون ناس راح يدعون لك او عليك راح يقولون الله يرحم من رباكم او الله ياخذ من رباكم
عوديهم على الشغل بس مو بفلوس لا لانك كذا راح تغرسين في داخلهم ان كل شي بالماده يعني ممكن يسوون اي شي مقابل الفلوس انتي من فتره لفتره كافئيهم بطلعه او تسوق او اي شي يرفع معنوياتهم وبالمدح قدام ابوهم والاقارب كذا تربينهم على السنع وتغرسين داخلهم بنات راقيات بترتيبهم ونظافتهم وترا عمر الشغل ما موت احد شوفيني من رابع ابتدائي وانا اشتغل ما صار لي شي بالعكس جات ايام نفعت امي فيها والحين بناتي في الابتدائي نافعيني
بامكانك تكليف البنت ببعض الاعمال على حسب عمرهاولا فيها شي انها تساعد امها من باب البر فيها صعب الام تشقى والبنت حاطه رجل ع رجل ولا في مانع انك تكافئينها اما انها تكون تكرف ليل ونهار مثل الشغاله فهذا صعب بالذات اذا البنت طالبه
الصفحة الأخيرة
انا ضد ان البنت ماتشتغل لازم تشتغل تنفع امها وتنفع نفسها لاتزوجت والشغالات مو بكل بيت
فيه بنات طول وعرض بالثانوي تتفاخر انها ماتسوي شئ بالبيت كل شئ على امها حتى ملابسها امها تغسلها
بس الحق على الام
وطبعا بدون راتب بس الام لازم تقدر تعبهم معاه تدعي لهم قدامهم تعطيهم مبلغ معين وتكافئهم بحوافز تناسب ميولهم
اعرف وحده مره تشتغل بيت امها بس الام ماتقدر بس تسب وتتكلم لو مالقت شئ بمكانه وتمدح بالبنات الثانين بالرغم انهم مايشتغلو كثير