مشورتكم

الســلام عليكـــم ورحمـــة الله وبركاته
اما بعد كثير ما اشتكي من ست سنوات اخر شي ابلجألكم كل وحده تحط رايها فكل كلمه تهمني لعل الله يهديني الى سواء السبيل
المهم
انا متزوجه من ست سنوات
جلست سنتين ماخلفت واهلي طيبين وودين يعني انا ماخالفتهم علشان تصير مشاكل نسلك لبعض لكن ابوي متزوج ومسافر معاها لديره ثانية ومخلينا ولا يسئل عنا ابدا من صغري ماشفته ولولا الصور ماعرفه ما ادري هل فيه ابو مايشتاق لعياله 😔
المهم انصدمت بقساوة زوجي لابعد مماتتصورون سيادي بدرجة اولى يحب يشوف دموعي مايضحك وينبسط وينكت اللا اذا انا حزينه واذا شافتي اضحك او مبسوطه من اي شي اقسم بالله انه يتنرفز ويعصب ولو بدون سبب
وانصدمت من جفافه العاطفي من اول يوم بزواجي يسفرنا كثير بر علشان نتعب مانتفضى للامور الرومنسيه اذا رحت انام يسهر بالصاله واذا سهرت يروح ينام ودايم يعصب قبل النوم ( لا اسمع ازعاااج يله بنام ) والله اني صرت اكره وقت النوم علشان هذي الكلمات اللي كلها عصبية وقرف
انصدمت من غيرته ممنو ع الضحك السوالف ممنوع اروح من جنبه في اي مكان حتى الحمامات في مستشفى مطار مطعم .... ممنووووووع اللا باستأذان واحيانا يعصب ويرفض
انصدمت انه يبيني شغاله لاهله مايرضى يجيب لهم من برى بس الحمدلله انهم بعيد مني
ماينزلني مكان عام في مدينتنا بحكم انه يتفشل من زملائه لو يشوفونه معي تتخيلون مع اني بكامل حجابي 😔

المشكله اني من صغري اسمع كل الناس يقولون جميله جميله ولولا هذي الكلمات شكيت بنفسي او بثقتي حتى لمن طلع السناب الرسايل الخاصه كلهم يقولون تصوري نبي نشوفك انتي حلوه مثل زمان 😔
انا صراحه فيني عيوب فيني طفوله وغباء زايد وهو يحب العاقله الرزينه النبيهه وانا عكس انا ع نياتي دايم
ايضا انا اهتم بامور الحب والمسلسلات والرومانسيه وهو لا لا لا ويكره اني افتح معاه هلمواضيع

ايضا من صدماتي دينه متهارئ جدا مستحيل يوقف السيارة علشان نصلي او انه يصلي الفجر بس يصلي ويجمعها كلها كنا نتخاصم بس انا تعبت وهو ماتعب ابدا وهذا الشي اثر في ديني كثير الحمدلله باقي احافظ ع الصلوات بس اضيعها وانساها بس كفارتها اول ما اتذكرها اصلي تاثرت فيه جدا
ايضا ماعنده حسن ادارة المال صح انه يصرفه كله لي واياه بس اذا هو له رغبه في صرفه اما اذا طلبته اي شي حتى لو للبيت يرفض ابدا ولازم ازعل شهور واقعد ازن ع راسه الين يقتنع طفشششش وانا اتعب واهوا مايتعب
ماافتح جواله ويجن جنونه اذا مسكته وهذا الشي يقهرني مررررره ويدفعني الى كرههههههه (احب الانسان الواضح )
جدول اعماله متى يطلع متى يداوم مايعلم لي يلخبط على الامور علشان يتمشى على كيفه بدون ما ادري 😔


السفريات مايسافر اللا انا معاه حلو صح؟؟! لكن صرت اكره هذا الشي لييييش لانه يصفقني يضربني يعصب يغار يبهذلني صدق ويدور الزله بس يفرغ العصبيه فيني وانا فتره صبرت بعيدين ماعاد سكت ارد له الصاع صاعين

كل صباح اتمنى اطلع اطلبه نفطر ونرجع يرفض ويصيح بوجهي ولمن اشوفه يطلع لوظيفته وانا محبوسه اقعد اصيح الين يغلبني النعاس حاولت افتح مشاريع عبر النت باءت بالفشل حاولت اشترك بمنتجات الاسره رفض قطعيا بحكم ريحة البيت مع اني اشتركت بفطاير ومالها ريحه وربحت 160 في 4 ايام كانت جدا ممتازه
بس رفض ولا حتى اخذتها الى الان من المحل
مشكلتي كثيرة النسيان واذا طلبته يعاهدني نطلع الويكاند نقضيه ويفرح اني انسى واذا تذكرت قال نصف الاسبوع وهكذا اكل حقوقي
من اول خمسه شهور قررت اتطلق منه لان نفسيتي انتكست مررره لكن امي رفضت وقالت عطيه فرصه وامي تحبسني ببيتها بيت زوجي جنه بالنسبه لبيتها وفقيره مسكينه بشغالتها ماتحب ازعاج الاطفال
ماقدرت اصبر تماديت عليه بلساني وعصبيتي وصرت الروم ميت حقه مو انثى ولا انام معاه انا بغرفه وهو بغرفه ونادرا ماننام مع بعض لدرجة اننا ادا سافرنا يدور غرفه بصاله فرحان يبيني انام بالصاله .... وهو صابر على لساني وعادي عنده وماكان فيه احد يتنفس في البيت اصلا عادي اهم شي ان معاه كائن حي لان ماحد تحمله من زملائه واقاربه يهربون منه والله بس اكل واشرب ومن كنب الى سرير ومستوى نفسياتي يتدهور بس فجاءة صرت حامل وجبت بنت احبها وتحبني بس طالعه له بالتحفظ والغموض ونفسياتها بالاكل تعبتني جدا جدا وحملت مره ثانيه وجبت بنت ثانية نفس طباعي يازينها احبها
وحملت وجبت ولد
ما افرق بينهم احبهم سوى لكن ماتحملت المسؤليه والحين احنا بدبي انتداب لزوجي خمس سنوات مشغول من الصباح الين الساعه 9 تتخيلون والله بس يجي يتغدا ويتعشى وينام وانا مقابل الاطفال وجايتتي حاله نفسيه متدهوره هو بدا يغير من اخلاقه لكن ماحسيت بالامان احسه يتصنع الاخلاق الزينه كرهته كره كررره وطلبت امي اتطلق منه واحد من اخواني يقول اطفاله نرميهم عليه بس هي لوحدها تجي تتخيلون
حاولت اتعرف على بنات يقول لي لازم انا اعرف ازواجهم بعدي يكذب على ازواجهم بموضوع واضح انوه كذاب ويقول لاتكذبيني اكذبي مثلي 😔 كرهت الصداقات وكل شي من طرفه
وش الحل اتطلق واترك اطفالي واشتغل على نفسي بوظيفه ومنتجات اسره وافتك من الحاله النفسيه وارجع الاوله المرحه المسالمه وووووووو
او اجلس علشان اطفالي مع اني اضربهم ولا اتحملهم ابدا وهو حنوون عليهم لدرجة السذاجة لدرجة يخربهم بس انوه بعيد منهم واحيانا يقضي الويك اند مع زملائه او يسوي بحوث خارج عمله يعني صرت سلم يطلع عليه في مهنته انا ابي اعيش مستقبلي افكاري ماخلتني بحالي ردولي تكفون كل وحده تقول اللي بخاطرها بلييييز 😔