مشورتكم بكيفية الرد على تدخل الناس بالمواضيع التي لاتعنيهم

السلام عليكم ورحمة الله وبركاته


هذا اول موضوع لي بالمنتدى، شفت المواضيع وردود البنات والفائدة اللي تعم الجميع فقررت اكتب لكم اني


احتاج مشورتكم بموضوع تأخر الحمل وكلام الناس وياليت تعطوني رأيكم بشكل حقيقي وواقعي يعني افضل جواب من اللي فعلاً مروا بنفس حالتي

انا متزوجه من سنتين ونص وصرت اكره الجمعات بشكل مو طبيعي وشبه قطعت الناس بسبب سؤال الناس الدائم متى بتحملين، اخر موقف كان مع وحده من قرايبنا كانت تتجمع مجموعة من عايلتنا جالسين ويسمعون كلامها تقول اكيد زوجك مو رجال وجلست تعيد اكيد مو رجال وانا من الصدمة ما اعرف ارد، بوقت الموقف يعني تكون عندي ردود كثيره بعقلي وتكون تحجيريه بس تربيتي تغلبني وما ارد بذات ان الحريم اللي يعلقون يكونون كبار او خالاتي يعني مستحيل بغلط عليهم.
كثير مواقف تخليني اصيح بعد العزايم، تعرفون لم يكون عادي عندك ان ماجبتي اطفال وحياتك ماشيه عادي بس يجون الناس يحطمونك ويكسرونك ويجرحونك بكلامها او سؤالهم اللي اصلا مافي منه فايده، يسألون كنهم هم اللي بيربون الطفل او بيصرفون عليه او بيحملون فيه
لاتقولون قولي الله ماكتب او لسه ربي مارزقني


ودي ارد رد محترم بس يحرج اللي قدامي ويبطل يسأل من جديد (غير مالك دخل)


ملاحظة: انا دائماً ردي ان انا ما ابي اطفال وان تو الناس بدري، بس بالحقيقة عندنا مشاكل بالانجاب