كبوسه

كبوسه @kbosh_1

عضوة فعالة

مشورتكم يامبدعات..ركن شعبي!!

المنزل والديكور

السلام عليكم
يااخواتي الحوائيات..لو ثقتي فيكم وبابداعاتكم والا لم ألجأ بعد الله اليكم...
عزيزاتي...

ابي افكار مبدعه لركن شعبي خاص ببوفيه اكلات شعبيه...انا عندي شويه افكار..بس ابي ابداعاتكم علشان يتميز شغلي اكثر بدعمكم ياغاليات...

وش تقترحون علي اضيف للركن ...انا مواعيني لونها فضي(الحافظات) وفكرت اعمل لها قاعده من السدوو..واحط قطع مربعه بشكل معينات كبيرة على الطاوله اللي تكون قاعدتها لونها احمر...

اللي تعرف وين ممكن تنباع مكاين اللبن اللي تنحط بالاركان ياليت تفيدني...
وياليت تشرفوني باقتراحات تساعدني...

الله يوفق من تساعدني بالدارين يارب..ويرزقها من حيث لاتحتسب وينور طريقها ويرزقها مبتغاهاااا...


بليز يابنات لاتنطشون وربي لادعي لكم من كل قلبي...والل ماعندها فكرة ترفع الموضوع رفع الله قدرها عنده وعند خلقه امييييييين
13
11K

يلزم عليك تسجيل الدخول أولًا لكتابة تعليق.

تسجيل دخول

أم حمودي وريومي
هلا حبيبتي انا حاطه قسم بالقبوو بالبيت عندي طراز شعبي
وحاطه قربه وتحتها سفره خوص القديمه وتلفزيون اسود وابيض اثري ومعلقه ثوب ولدي قديم وشالكي بنتي
وصندوق القديم الاحمر المرسوم عليه ومطرحه صفراء
ومرايه عليها رف يعني تسريحه عليها مكحله وكريم ابو ورده ومشط قديم وساه فيها خواتم وقلايد
ومعلقه على الجدار برقع عليه فضيات ومراوح وعلى الارض رحى ومحماس ومزينه بأباريق غضار وبيالات وفناجيل ومنقد

وتلاقين فيه محل في سوق طيبه يبيع كل شي قديييييييييييييييم وانا اغراضي اخذتها من تراث الانجال كان في طريق الملك فهد بس قفل الحين
الله يوفقك
دعواتك
كبوسه
كبوسه
مشكووورة ياقلبي...الله يوفقك في الدنيا والاخرة على مشاركتك لي...

انا ياغاليه ابي افكار اركان اكل شعبي...وش احط على الطاولات لمسات ممكن تمشي ووش اضيف ...

ساعديني اكيد ماشاء الله عليك عندك حركات باين من اللي كتبتيه قبل!!
umm rakan
umm rakan
يالغاليه جتني كم فكره ...


اقترح انو الاكلات الشعبيه تكون في سلال خوص القديمه....


وتفرشين على الطاوله مفرش سدو او ممكن تعلقينه من الطرف بالزاويه بجانب طاولة الماكولات وتعرضينعليه بعض الاغراض القديمه ....


وممكن برضو تحطين السراج بين الحافظات....


اتمنى افدتك لو بشي بسيط ...
أم حمودي وريومي
شوفي حبيبتي
افرشي المفرش أحمر مثل ما قلتي واشتري سدو ولا تحطينه مربعات مثل ما قليتي فكرتك حلوه بس انا رايي تلفين الحافظه في السدو لف عشوائي يعني معفط وخيطي بيز (اممممم ما اعرف له اسم ثاني) وفيه لزقات التشك تشك وحطي البيز على يد الحافظه

ونفس الشي الملاس او المغرفه لبسي يدينهم بسدوو ولفي على السدو سبحه تلقين السبحات في شارع السويلم اذا انتي من الرياض

واذا بتحطين لبن صبيه في قربه وإذا ما لقيتي قربه شوفي في حي الشفاء يبعون زير حطي اللبن فيه وأشتري غضارات صغيره او اكواب غضار للشرب ولبسي وحده من البنات او العاملات لبس شعبي او شالكي وبرقع وخليها تصب

والطاوله زينيها لأن التزيين يشد للأكل حطي على جنب دله ذهبيه قديمه مع الفناجيل القديمه وحطي الخبز القديم اللي كانه توه طالع من التنور تلقينه في القريه النجديه اللي بالتخصصي وحطي تحته سفره صغيره

والله هذا اللي جاء ببالي الحين اذا ذكرت شي أن شاء الله ارجع لك
كبوسه
كبوسه
ام راكااان !!!!!!!!!

اقسسسسسم لك بالله ان كل اللي قلتيه انا فكررررت فيه بالحررف الواحد!!!!

ياحبي لك ههههههه حسيت فيه تواررد خطير...

شوفي ياغاليه الخوص...لقيت بس احجام اصغر من حافظاتي ...طبعا حافظات المناسبات تكون اكبر من حافظات الطلبات العاديه..

فبدلت الفكرة تكون قاعده البسها سدوو..

والسرج شريت لي ست حبات...وشريت لي مطابق خوص بحط فيها اقط وتمر..وشغلات ديكور...

فكرت بعد احط كرسي اللي فوقه مخدة سدوو...واحط ممكن منقل وفهيه دله..!! وشرايك تتوقعين تظبط والا تطلع اوفر؟؟