مشورتكم ي خوات ❤️

انا متزوجه لي سنه والحمد الله احس نفسي مبسوطه وبنفس الوقت لا
زوجي من غير قبيلتي والكل ينتقده من اهلي واهله
لانه طيب لابعد الحدود لدرجة انه يقولو طيبته ضعف وغباء وهو بصرااحه كمان ع النيه زي مايقولو وع الفطره ومصلي ويقوم الليل ويصوم تطوع
وغير كذا من سلبيات انه مديون وحالته الماديه ع قده ويالله تكفي من مصروف لي والبنت وله يعني حدود 2000 يبقى معه ولمن يقسمها علي انا وبنته يبقى له شي بسيط انا والله ما اخذ المصروف الا عشان لمن يخلص للي يبقى معاه الافيه له احتياط واحيان ابيع من ذهبي عشان مايحتاج احد والمشكله اني اذا جلست عند اهلي يسالون اعطاك مصروف والا لا لان بصراحه ما اصرف من للي عطاني واطلب اهلي تعتقدون ذا صح؟؟؟
اهلي يتذمرون منه واهله كمان لان مامعاه شي وكمان غشييييييييم ويضيع يعني مثلا لمن اروح عند احد وهو موديني يضيع المكان للي وداني فيه ساعات انحرج من الناس للي رحت لهم ويضحكون ع زوجي ونا ارجع معاه اسوي نفسي عادي ومو منحرجه منه لان والله احبه مره واحن عليه كثيييييير واهله قاسين عليه يعني يدرون ان ظروف ولدهم شوي ضعيفه مايساعدونه ابدا واذا طلب يعطونه 100 او 50 مدري اش يسوي فيها
احيان افكر اطلب الطلاق بسبب ظروفه وكلام الناس عليه رغم طيب معي ويحبني ولا يرفض لي طلب ودايم يسمعني كلام حلو ومع ربي هو دايم بس لمن احد يتكلم عليه بسبب عدم معرفته وعدم تصرفه صح احس ابي اتطلق منه ابي تشورون علي اقدر اخليه ذكي وكيف اتعامل معاه بحيث ماحسسه بالعكس مثل ماقلت لكم احبه ويحبني وبينا طفله لكن غشييييييممم وظروفه الماديه تعبانه بسبب الديون واهلي واهله مايقصرون بالكلام السلبي تجاهه ويقولو بوجهه كلام مو كويس واحيان قدامي لكن انا اقوله لا انت مافي احسن منك عشان مابي اجرحه اكثر ومافي حل الا ي اتطلق او اغيره وابي مشورتكم الله يسعد كل شخص يرد علي بسلوب راقي بدون تجريح