مشوشة ارجو المساعدة لانه الموضوع مهم

السلام عليكم بنات ..

الموضوع هو خلاني مشوشة ما ادري شو اعمل بالموضوع...
زمان كان في مشروع زواج لي و صليت استخارة بس كان الموضوع مافي اي تقدم و اي موعد يسوه يخترب يعني الموضوع ما يمشي ولا يتقدم ..و كان في فترة تعارف بينا و طبعا امام الاهل بس كان الشخص هذا في كثير عيوب في تصرفاته حاولت اتجاهلها و اتقبلها و اتغير عشان اقدر اتكيف معه و امشي في جوه بس كنت احس انه صعب و احاول قدر المستطاع اني ما اطلع عيوبه ولا اخليها مشكلة كبيرة ..لحد ما وصل الحد يمكن شهر و كم اسبوع و الموضوع ما يمشي ابد و كنت فاهمة انه مو خيرة لي من اول اشارة و بعدها جاه قرار امامي اني يا ارفض اكمل او لا ...و قررت ارفض لاني اشوف انه مو خيرة و ابد ابد الموضوع ما يتقدم و هو كان زاعجني .


المهم مرت الشهور و انخطبت من احد و صليت استخارة قبل و كانو ناس كثير مناح ما شفنا شي منهم و امورنا كانت سلسة و فجأة بقدرة واحد احد تفكرش الموضوع و بدون اي مشاكل او عراك يعني خلاص ما تم الزواج .. و الحين مرت اشهر ...و الشخص الاول رجع و يحاول يقنعني انه تغير و يبي يرجع و نبدأ من جديد و انه فهم اغلاطه معاي و الخ ( اغلاطه كانت في تصرفاته و كلامه يعني مو شي كبير جدا بس صعب اي بنت تتقبلها )
و الحين صليت استخارة و متكلة على ربي الحمدلله ....و انا بس احتاج احد يناقشني و يساعدني اتخذ قرار ... هل اوافق على رجعته و اخبره انه اولا عليه يكلم ابوي و يبدأ في الامور الرسمية ...او اني ارفضه من البداية ولا حتى يجي يكلم ابوي ..


لانه ما اريد اعطيه فرصة يجي و بعدها ارفضه لازم اكون متأكدة اني راح اوافق عليه ..و ما ودي احد يجرحني او يكسرني مرة ثانية ...اخاف انه يقول تغيرت و بعدها يرجع يزعجني مثل اول ... كثيير مترددة و احتاج ارشاد و متأكدة ربي راح يكون معي بس لازم افهم قراري هل اوافق او لا ...لانه ينتظر الرد ..و خايفة انه خطيبي السابق يرجع لانه وصلني كلام كذا ..المشكلة كله في نفس الوقت يصير و قراري قرار واحد ...ما اريد اتراجع .
و نفس الشيء افكر لاني صليت استخارة قبل و كان الموضوع ما يمضي او يتقدم فهل نتيجة الاستخارة الحين راح تختلف او راح يكون نفس الشيء .
بس اريد اتناقش مع احد لانه ادري كلنا ما ندري الغيب بس احتاج شوي مساعدة عشان اعرف شو اقرر ..


ساعدوني ولو بشيء بسيط عشان اقدر اشوف الموضوع بصورة اكبر و اوضح ..
من فضلكم عزيزاتي المشرفات ممكن بعد فترة تحذفو الموضوع سواء لقيت مشاركة او لا ؟