اسأل الله ان يلهمك ويختار لك مافيه راحة لبالك وصلاح لأبنك

امين
مشكورة لكل من اعطتني رايها ومشورتها
بالنسبه للي تقول اتزوج واجيب اخوان واخوات لولدي..انا لو مفكره 1% اني اتزوج بعد كذا ..كان اولى ارجع لأبو ولدي ..اقولك خلاص ماعاد ابي رجال بحياتي ..بعيش لربي ثم لتربية ولدي ..عفت صنف الرجال كلهم.
وانا ماودي اظلم ولدي يعيش كذا بدون اخوان وبنفس الوقت ماابغا اضغط على نفسي واظلمها برجعتي لابوه لان مردنا بنتطلق بسبب المشاكل ..بعدين ولدي مو اول ولااخر واحد يعيش بدون اخوان ..تدرون بنات والله تعبت .الود ودي اقفل اذني واوقف تفكيري واعقلها واتوكل واعيش يومي ولاافكر فبكره ..بس اش اساوي مو بيدي.
بإنتظار باقي الاراء.

اكيد الاطفال يتأثرون من الانفصال
لكن احياناً الانفصال افضل لهم من حياه فيها مشاكل
والاب عافانا الله يتعاطى حشيش
هنا القرار بيدك وانتي عارفه وضعه وايش الي بيضيف وجوده بحياتكم وايش الي ممكن تخسرونه

الانفصال مع راحة احسن من استمرار بأزمات وعدم استقرار نفسي .. استخيري وسلمي أمرك لله والله يسخر لك الطريق اللي فيه راحة لك ولولدك

طيب مافكرتي تعطيه فرصه يمكن جاد وبيتغير وانتي لاترجعي له الا لو تاكدتي من شفاءة من الادمان
يااختي الاب اب حتى لو كافر بتجي لحظات بيفتقد ابوة الولد يحب يكون مع ابوة رجال يروح ويجي معه انا اعرف وحدة زوجها يشرب وتطلقت عشان بنتها لكن بنتها راحت وعاشت مع ابوها وكان حنين عليها الين مامات .سواء تطلقتي او لا ماراح تقدري تقطعي العلاقه الي بينه وبين ابوة حتى لو كان بقصد انك تحميه
ومين قال عيال المدمنين يطلعوا مدمنين ياما ناس طالحين طلعوا عيالهم متدينين واحسن من ابهاتهم الف مرة وياما ناس العكس انتي فكرك في اب بيضر ابنه او بيجره للادمان انا زوجي كان مايصلي لكن يخاصمني لو اخرت صلاتي اقله ياسلام وانت يقلي انا خايف عليكي ترى اكيد عارف بغلطه ومشكلته ومن رايي اعطيه فرصه منتي خسرانه ان شاء الله يتعدل من واقعي الاطفال هم الضحيه في الطلاق حكمي عقلك والله يكتب لك الي فيه الخير