مشوي لحم ومسبك على طريقتي ^_*

اشتقت للمنتدي مع ان مشاركاتي قليله إلا اني متابعه جيده له والله له معزه خاصه

ادووووووور وارجع مهما طال غيابي ........ وبعد غياب حبيت ارجع بشيء يستاهل

هي خلطة حبيت اغير ودخلتها الفرن بدل مااشويها على الشوايه وطلعت جنان

لذيذه والسر فيها انها راح تاخذ السوى على راحتها

وراح تنقع اللحمه ليله كامله راح تتشرب النكهة كلها

المقادير ::

أي جزء في الخروف تبون تشووونه استخدمووه بس انا افضل اليد لانها هبر ولحمتها ماتأخذ وبصراحه هي الذ جزء

التتبيله :

3حبات طماط مقطعه شرايح رفيعه
حبة فليفله شرايح - بقدونس
3 حبات بصل اخضر شرايح - 3 فصوص ثوم مبشور
ملعقتين كبيره كتشاب
ملعقة كبيره معجون طماط
2ملعقه صغيره بهارات مشكله – م ص كاري – فلفل – ملح – م ص بهارات بحرينيه – نص ملعقه صغيره كمون - ونص كاس زيت زيتون – والقليل من الزيت النباتي – ليمونه كبيره .

الطريقة:

نخلط مكونات التتبيله مع بعض وننقع فيها اللحم وعلشان نحصل على طعم افضل راح يفضل ننقعها من الليل
الى يوم ثاني نخليها في الثلاجه في اليوم الثاني نطلعاه من الثلاجه ونحطها في صنييه مع الخلطه كلها ونشعل عليها الفرن من اعلى نحمرها وبعدين بعد ماتتحمر نغطي الصنييه بالقصدير ونشعل عليها من اسفل ونتركها تنضج على راحتها لمدة لاتقل عن ثلاث ساعات او ساعتين ونص .... بعد النضوج اللحم راح يكون مرق متسبك مع اللحمه يقدم معها كصلصه مرافقه معها وطبق رز ابيض او تأكل بالخبز .......جربوها وادعولي

وصحتين على قلبكم