القمر الأزرق @alkmr_alazrk

محررة برونزية

مش عارفة أربي بنتي!!

مساء الخير بنات.. الموضوع واضح من عنوانه وبشرحلكم التفاصيل...

القصة وما فيها إني متزوجة وعندي بنت عمرها سنة وسبع شهور، أنا ساكنة مع عائلة زوجي في نفس العمارة بس أنا في شقة لحالي في الطابق الأرضي وهم ساكنين في الشقة اللي فوقي..

أهل زوجي طيبين كتير وعلاقتنا الحمد لله ممتازة بحبهم وبحبوني وإن شاء الله ربنا يديمها علينا... بس المشكلة إنو أنا طبعي وطريقة حياتي غير عنهم، والصراحة أنا ما بتعجبني طريقة تربية حماي وحماتي لأولادهم.. هم عندهم 4 أولاد بما فيهم زوجي وما في ولا بنت وزوجي الكبير، مشكلتهم إنهم ما إلهم كلمة على ولادهم وخصوصاً حماتي وخصوصاً على الولد الصغير، هم كلهم شباب ما شاء وفي بس واحد عمره 11 سنة وهذا الولد هو مشكلة حياتي، تربيته سيئة بكل معني الكلمة، يعني ألفاظه سيئة وبرفع صوته على أمه وبغلط عليها وحتى على أبوه، دراسته عدم يعني كل سنة عنده بسنتين وشكلها هالسنة راح تكون الثالثة، ما في نظام في حياته، عايش على كيفه، باكل وبنام وبصحى على كيفه وبروح وين ما بده، دائما بصرخ وبتخانق، أعماله بترفع الضغط، أنا ما بتحمل أقعد معه أعصابي بتتوتر خاصة لما بشوفه كيف بتعامل مع أهله وخاصة أمه، يعني شو ما وصفتلكم عن تصرفاته قليل، غير إنه مقرف وعنيد ووقح ما بحترم حدا.

ومشكلتي إنه بنتي متعلقة فيه بشكل غريب، بتحبه لدرجة فظيعة، ولما تشوفه ما بترضى تتركه، هو بحبها وبلاعبها بس اللي قاهرني إنو البنت عم تتعلم تصرفاته، صارت تتطلع تنطنط على الكنب والطاولات، بتصرخ لما ما نعطيها الي بدها إياه، يعني بالمختصر صرت حاسستها ولد مش بنت، وأنا راح أموت من القهر..

راح تقولولي ما تخلي بنتك تختلط فيه بس هذا صعب جدا مهما حاولت، احنا ساكنين بنفس البناية يعني عايشيين مع بعض وللأسف هالعيشة أبدية مستحيل نقدر نطلع برا.

في كتير تصرفات تانية قاهرتني من أعمام بنتي وحتى من حماتي، يعني بعطوها كل شي على خاطرها طبعا هم مش قاصدين يقهروني بس هم من كتر محبتهم فيها، حماتي بتعرف إنو في شغلات ما بحبها وبتحاول تتجنبها بس برضوا في تصرفات بتقهرني من غير هي ما تقصدها..

والله دائما على أعصابي ومقهورة، أنا في مخيلتي مفهوم تاني عن التربية، أنا بحب كل شي بنظام ونظافة وأدب، وهم عيشتهم غير، كل شي لا نظام ولا ترتيب.. يعني عايشين كل واحد على كيفه.

معلش طولت عليكم بس ما عندي حدا أشكيله همي، لإني ما بقدر أحكي على أهل زوجي قدام أي حدا حتى أهلي، مهما كان هدول أهل زوجي...

دلوني الله يخليكم، واللي عايشة متلي جنب أهل زوجها تحكيلي عن تجربتها.:(

يلزم عليك تسجيل الدخول أولًا لكتابة تعليق.

تسجيل دخول

فية احد يعرفني • 15 سنة

الله يعينك احسها معادلة صعبة
مالك الى انك تدعين لها با الهداية

بنت نوره والنعم • 15 سنة

دام الولد صغير حاكيه انه عيب يسوي هالحركات ويرفع صوته على اهله قوليله تبغى عيالك يرفعو صوتهم عليك ومايحترموك..جيبيله قصص عن برالوالدين حاولي بأهله انهم يدخلونه تحفيظ قرآن العصر وإن شاءالله يهديه القرآن او انتي اطرحي عليه هالفكره بعد اخذ الذن من اهله حتى لايحدث مالايحمدعقباه

قلبك وطني • 15 سنة

حاولي تحببي الولد فيكي وتاخديه هو وبنتك مشاوير وبعدها تبداي تاثري عليه بافكارك يعني هو صغير وانتي الكبيره بدل ماهو ياثر على بنتك اثري عليهم هما ال2 واعتبريه ابنك وراح تشوفها حماتك كبيررررررررررررره منك وتنبسط انت خلي كل شي عفوي ولاكانك قاصده شي وموفقه

القمر الأزرق • 15 سنة

أختي بنت نورة، هذا الولد قليل أدب بشكل، يعني إذا أهله مش قادرين عليه أنا راح أقدر؟؟ دائما كل ما بقل أدبه على أمه بحكي معه وعيب عليك وهذي أمك بصير يصرخ ويقولي أنا حر أسكتي، بكون راح أقوم وأضربه بس برجع وبقول إذا أمه مش حاكية أشي أنا راح أربيه، وكمان ما بحب أضايقها وأبين إني بتعدى عليهم.

بس بتعرفي شغلة لو تشوفي هالولد لما يجي عندي على البيت، بصير ملاك ما بستجري يعمل غلطة، بس هو بعمل هيك في بيتهم قدام أهله.

أخت فيه أحد يعرفني.. شكرا على مروروك والله يعيني

ام شهرزاد • 15 سنة

الله يعينك حبيبتي ....

بس طالما انو انتي بشقة لوحدك فحاولي انك ما تطلعينها دايما واذا طلعت خليك معها ...والولد اذا فعل حاجه غلط حاولي

انك توجهينه بأسلوب لطيف وقولي انا اريد البنت تتعلم حاجات كويسه والبنت مش مثل الولد ولا زم تتربى على عادات كويسه

وانت عمها والبنت بكره رح تكبر واظن انك ما ترضى الناس تتكلم على بنت اخوك بشئ عاطل ...ولازم ان نتساعد ان نعلمها

على الاشياء الجميله والحلوة لان الطفل كل شئ يتقبله في صغره ...

ادري كلامي كثير ..بس حبيت افيدك ..

الله معاك ..