مش عارفه احدد -----انا حامل وللا لأ؟

بسم الله الرحمن الرحيم
انا متجوزه من 6 سنين عندى ولد 5 سنين وشايله اللولب من 3 سنين وماحصلش حمل جوزى حلل من شهرين طلع الحيوانات المنويه 2 مليون بس----قليل جدا
دعيت فالحرم من 3 شهور ان ربنا يرزقنى الحمل -واتمنيت توأم بنت وولد-
جوزى من شهر واحد اخد حبوب وحقن تزود الحيوانات المنويه والنهارده يبقى فات على ميعاد الدوره اسبوع ومش حاسه لا تعب ولا مغص ولا اى اعراض ولله الحمد الغريب بقى ان اختبار الحمل لسه عاملاه حالا طلع شرطتين يعنى فى حمل
طب ازاى والحيوانات المنويه قليله؟ وازاى وانا مش حاسه باى اعراض؟
معقول الدعوة تستجاب بالسرعه دى ويشفى جوزى واحمل فشهر واحد


ايه رايكم حمل بجد وللا ممكن اختبار الحمل يكون بايظ؟
قولوالى بسرعة قبل ماقول للراجل