مش عارفه اطبخ

السلام عليكم اخواتى الاعزاء اوجه كلامى للبنات اخواتى الصغيرات التى لم تتزوج بعد اقدم لكم نصيحه من واقع خبرتى اقصد معاناتى فى اول زواجى الذى كاد ان يوشك ان يكون اوله واخره فى نفس عام الزواج ولاكن الله سلم اولا انا كنت مثل معظم البنات اتدلع شويه على ماما ماليش مزاج اصحى دلوقتى معلش مش عاوزه اعمل دى ابقى اتعلم بكره ولما جه بكره لقيت نفسى متزوجه من راجل زواق للاكل جدا يعنى مفيش حاجه اسمها تتقضى والسلام ولا جاهز ولا اى حاجه الكلمات دى ملغيه من قاموس حياته الست فى نظره هى اللى تعرف تطبخ احلى اكل وتنوع فى الوجبه الواحده اكتر من صنف اه رحت فى خبر كان واللى زود الماساه انى تزوجت ولظروف عمله تغربت معه بعيد عن اهلى كلهم يعنى انا وهو وبس مفيش ماما ولا اختى ولا اى حد ممكن الجالو يساعدنى ولا حتى يوصفلى طبخه اعملها اه ثم اه ثم اه وكانت الكارثه خناق وزعيق وشخط ونطر وياما سمعت محاضرات عن الست الشاطره بتعمل وبتسوى واه الله يرحم ايامك ياما ياسلام على اكلها وهلم جره وجه الحمل والوحم واه منهم مع هذه المشاكل والنكد الاسرى المتجسد فى زوج مش عارف ياكل لقمه حلوه فى بيته وبدات اسال واتعلم واقرى لغايه لما هه بقت ماشيه وبدا زوجى يعجبه اكلى وبدات معامله تتصلح خلاص سبب النكد زال وخد عندك بقى سعاده ماشاء الله وكلام حلو وشكر فى اكلتى الفلانيه اللى باعرف اعملها احسن من فلانه وهكذا والنهارده بقالى 8 سنين متزوجه وجوزى بيحلف باكلى فى كل حته وبقيت اعرف ايه اللى بيحبه واتعلمه واحاول اتفنن فى حاجات ازودها علشان تطلع احلى من اللى اتعلمتها منها وتكون لها مذاقها الخاص من ايدى وحبيت انبه البنات انهم يلحقو نفسهم قبل مايفوت الاوان واحب اوجه كلمه للازواج صبرا على زوجاتكم لعلك تجد منها مالم تحلم به بعد قليل من الصبر وخليها بجميله منك واللى يتقال بالخناق يتقال بالراحه والتفاهم والود واللى مايعرفش بكره يعرف بس الصبر مع قليل من الرحمه والرافه وانتو يابنات شدو حيلكم النهارده فى ماما يمكن بكره ماتعرفيش حتى تكلميها فى التليفون يعنى مفيش ماما فى انا بعرف وبس