مش قادرة اصدق اللى حصل..ساعدونى كيف اتصرف

اخوتى فى الله ابغى مشورتكم لانى ماليش حد غيركم بعد الله طبعا
من كام شهر حسيت ان زوجى متغير وكلمته قال مافيش حاجة
وبالصدفة اكتشفت رسايل من السكرتيرة على موبابيله بتدلعه فيها وغيره من الكلام
وهوكمان بيرد على رساليلها وقتها حصلت لى صدمه فظيعة لانه المفروض ان احنا متزوجين عن حب وبيننا 3 اولاد منهم واحدة ماشاء الله عروسة وكانت علاقتنا كويسة ومش مممكن كنت اصدقك انه يعمل كده
وكمان مسجل اسم السكرتيرة بأسم راجل على التليفون على فكرة هى مطلقة
ربنا وحده اللى جعلنى اكتشف الموضوع وراجعت تصرفات كتيرة كانت بتحصل ودلوقتى عرفت سببها
طبعا انكر فى البداية وبعدها قال ان هى اللى بتبعت رسايل طب ليه بيرد عليها
طبعا ماعرفش العلاقة وصلت بينهم لحد فين
وطلبت منه الطلاق رفض بشدة بحجة انه بيحبنى ومايعرف ازاى ده حصل
طبعا انا مشيت السكرتيرة لكن ممكن طبعا يكونوا بيتقابلوا او بيكلموا بعض
مش قادرة احكى لاهلى لانهم فاكرينه ملاك وكمان علشان اولادى
صدقونى كل يوم انام ودموعى على خدى مش عارفة اتصرف ازاى مش متخيله اعيش معاها تانى
اصمم على الطلاق ولا ايه انا قلت له اكثر من مرة وهو رفض تماما ادخل اهلى فى الموضوع ولا ايه
طبعا هو دلوقتى طول اليوم يفضل بره البيت ويرجع على النوم
ساعدونى ضرورى لانى قربت اتجنن
سامحونى ان كان كلامى ملغبط لكن والله العظيم انا فى حالة مايعلم بيها إلا الله سبحانه وتعالى