مش قادره أشتهي الطلعه من البيت ، هل هالشي طبيعي

السلام عليكم و رحمة الله


اولا انا بنت عمري 29 ، اعيش حياه مثلي مثل غيري ، فيها ضغوطات و فيها نعم و الحمد لله على كل حال ،
وقت الطفوله كنت احب الطلعات ، بعدها صارت الطلعات غير مسليه بالمرره ، اخوي فرط حركه و توحد ، يعرض نفسه للأخطار وانا اخاف عليه والاحقه ، بديت اكره الطلعه تدريجيا ، كل شي برا البيت ما احبه ولا القى فيه وناسه ، مع العلم ان تجيني نوبات اكتئاب خارجه عن سيطرتي حتى بالبيت لكن برا أكثر .
، لما وصلت الجامعه هو تحسن الحمد لله ، لكن انا انسدت نفسي ، كنت اطلع قليل قولوا كل شهر أو ثلاث أسابيع ، الحين بعد الجامعه بسنييين طويله صارت لي تقريبا مشكلتين (كبار نوعا ما يعني سببوا لي ضغط و الم نفسي برا البيت ، مره منه و مره من اختي الصغيره ) ، مو هنا المشكله ، المشكله اني حاليا هالسنه مش راضيه اطلع اتمشى مع إني مااااله بمووت من الملل لكن مش قادره على نفسي ، غصب عندي قناعه اني مستحيل انبسط برا البيت صار عندي عقده جامده ، لما احد يقترح علي مشوار تصك فيني الدنيا و أفكر بس كيف أتهرب ،


انصحوني ايش اسوي و هل وحده صار لها مثلي و خفت ، و كيف .