مش كل الرجالة نوع واحد.. معدل

أعدت نشر الموضوع علشان الخط كان داخل فبعضو


في ناس بتقولك قلب الراجل في معدتو
وازرعي الجرجير تحت السرير
واعملي شعرك فالخلاط
واديها دهانات وأزياء

والصراحة ان كل ده جميل جدا
بس مش بيجيب نتيجة مع كل الرجالة
لأن ببساطة شديدة جدا
أنواع الرجالة مختلفة

في رجالة حواسهم مادية ودول فريق ال sf في الأنماط
ده حريص جدا على الجسد
وحياتو منحصرة في المتعاديلو أكل وركزي على الزينة والعطور
واشتري لبس جديد باستمرار
واهتمي أكتر بالفراش
ودلعيه وعامليه زي الأطفال
واقعدي اتكلمي وهزري واخرجو مع بعض
كده انتي تمام جدا

لكن في ستات بتعمل كل ده وبعدين تضرب دماغها فالحيطة
ده لأنها خلطت الأمور وتحسب كل الرجالة كده
عشان ممتها ولا خالتها قالتلها لو عملتي كده حيبقى خاتم فصباعك
وخدت الوصفة السحرية وعمالة تتشقلب وتتنطط وبردو مفيش فايدة

طيب ايه السر يعني؟

الزوج المادي غير الزوج المعنوي

المادي ارضي حواسه الجسدية
لكن المعنوي والعقلاني مبيمشيش معاهم الكلام ده أصلا
ودول فريق ال nt
بتلاقيه مش همو على بطنو بالعكس بياكل قليل
ومش بيحب الماكياج
وبيشمئز من التخن
ومبيحبش اللبس المبهرج أو المركب لا بيحب البساطة جدا
وبينفر من الدماغ السطحية الفاضية
ومبيحبش الخروج
ومبيحبش يتكلم كتير ولاحد يكلمو كتير
ومبيحبش يضيع وقتو
ومتعتو الكبيرة في المناقشات العقلية والأفكار المجردة
وعايز زوجة عاقلة ومتزنة نفسيا ومش ملتصقة عاطفيا وعندها هدف وقيمة فالحياة
وعندها قيم عليا ومباديء وأخلاق

وفي نوع نص مادي نص عقلاني ده ال st
وفي نوع نص عاطفي نص معنوي دول ال nf

معظم المشاكل ال بتجيلي
زوجة مادية عاطفية وزوج معنوي عقلاني
أو زوج مادي عاطفي مع زوجة معنوية عقلانية
أو زوجة مادية عقلانية مع زوج معنوي عاطفي
أو زوج مادي عقلاني مع زوجة معنوية عاطفية

ودي حكمة ربنا في جمع المتضادات قي بيت واحدو
وجعلنا بعضكم لبعض فتنة أتصبرون؟
وكمان عشان الأولاد ميطلعوش نسخ كربون
أو يشوفو نموذج واحد فالحياة. لأ يشوفو الاختلاف والتفاعل بين الاختلاف
ويطلعو نماذج فريدة واخدة من هنا شوية ومن هنا شوية

طيب أعمل ايه علشان أتعامل مع الاختلاف ده؟بلاش تاخدي النصايح المعلبة
مش نصيحة مشيت مع عمتك ولا خالتك
ولا جابت نتيجة هايلة مع صاحبتك ولا أختك
يبقى حتمشي معاكي
لأن نمط جوزك مختلف عن نمط جوزها

فعشان تحلي مشاكلك
محتاجة انكتفهمي نمطو
وتقبلي الاختلاف ال بينكم
وتعملي حاجات مناسبة لنمطو
واحتسبي أجرها عند ربنا