السلام عليكم ورحمة الله وبركاته
اخواتى عندى مشكلة تعبانى ياريت تفيدونى وتصبرونى بكلامكوا أنا أكبر اخواتى وزوجى الحمد لله مرتاح ماديا واهلى يعنى حالهم متوسط يعنى
المهم زوجى قال لوالدى أنا هساعدك فى جهاز بنتك الى هى اختى الصغيرة فاداله مبلغ جاب لاختى جهازها وباقى شوية حاجات فبابا هيجيبها من معاه كتر خير جوزى ربنا يجازيه خير
المشكلة بقى ان جوزى كل ما يحصل بيننا حاجة يقولى أنا جهزتلكوا اختك مثلا جيه لاختى عريس عاجبها ومش عاجب جوزى لانه أقل منها فى التعليم يعنى هى كلية وهو معهد بس مضايق ويقول أنا غلطان انى جهزتها معرفش ان ذوقها كدة والله الكلام ده بيكسرنى يا ناس أنا قولتله من الأول الفلوس دى هتجيبلى المشاكل قولتله بلاش هى هتتجوز زى ما أنا اتجوزت محدش ساعدنى بس صمم
دلوقتى بعد الخطوبة اختى طلبت منى نسلف خطيبها مبلغ يكمل بيه الشقة علشان يتجوزوا بسرعة يعنى شهرين او 3 شهور بدل سنتين ولما قولت لجوزى قعد يزعق ويقولى انتى ازاى تقوليلى كدة وهى بجحة مش كفاية جهزتها هجوزها كمان وكلام بيضايقنى اوى والله هو طيب بس عصبى شوية ومضايق اوى انها طلبت فلوس سلف ممكن علشان هيردوها بعد فترة وكمان جوزى هيسيب الشغل بس الحمد لله معانا يكفينا وزيادة الحمد لله
أنا كدة يا جماعة غلطانة فى حاجة هو غلطى الوحيد فعلا انى سمحتله يساعد اهلى ويتفضل عليهم أنا عارفة هعيش طول عمرى مكسورة واسفة عالاطالة
Noor alislam @noor_alislam
عضوة جديدة
يلزم عليك تسجيل الدخول أولًا لكتابة تعليق.
Noor alislam
•
يارب اجبر قلبى
قوليله انت ساعدتها محد طلب منك وجزاك الله خير ولمن اختك طلبت سلف خلاص اعتذري منها قلي اني وصلتو طلبك ورفض وخلاص
الصفحة الأخيرة