بسم الله الرحمن الرحيم
بجد مش مصدقة نفسي
اخيرا فكيت شفرة صابون الوجه
والشاور جل
وغسول اليد
بصوا يا جماعة الحكاية وما فيها اني كنت بجرب احدى الوصفات التي شرحتها اخت في المنتدى، بس وانا بعمل الوصفة أو الخلطة غيرت في المقادير عن قصد لأني ماكنتش مصدقة اني لو عملت المقادير دي زي ماالأخت قالت هايطلع معي شاور جل.
المهم فوجئت ان المقادير لما اتغيرت مطلعش شاور جل لكن طلع صابون
طيب وايه يعني ايه الجديد؟
الجديد ان الصابونة الواحدة طلعت منها 3 أو 4 صابونات وبتدي نفس الرائحة الجميلة وبترغي، وكأنها صابونة عادية خالص
طيب تتعمل ازاي؟
هاتي مقدار ماء
وعليه مقدار ماء ورد وسخنيهم على النار
دوبي حبة نشا كثير في نصف كوب ماء كويس قوي
وحطيه على الماء الساخن بعد ما ترفعيه من على النار وقلبي كويس بس براحة
وتكوني محضرة صابونة بتحبي ريحتها (انا استعملت كامي الي غلافها اسمر) وتبشريها بمبشرة البصل وحطيها على الخليط السابق وحطي عليهم ربع كوب شاور جل أو اقل وقلبي براحة وصبيها في قوالب أو حطيها في بوكس مربع وسيبيها تبرد ولما تبرد وتتماسك كويس قوي قطعيها مربعات، هتلاقي الصابونة الواحدة اصبحت 3 أو 4 صابونات ويمكن اكثر
والله انا مش مصدقة نفسي طلعت من صابونة كامي واحدة 4 صابونات يا بلاش لاء وماتكلفتش حاجة ابدا000
شاور بعطر
لتر ماء على مورد على النار
ودوبي نشا في ربع كوب ماء وضيفيهم بعد ماتشيلي المية من على النار
وابشري الصابونة الي بتحبي ريحتها وعليهم شوية شاور وسيبيه يومين كدا وبعدين استعمليه
وممكن تجيبي صابون عديم الرائحة وتضيفي عليه زيت عطر البرفان الي بتحبيه واعملي خلطة الصابون الي قلنا عليها او الشاور وبكدة يبقى عندك صابون وشاور بعطرك المفضل،
غسول اليــــــــــــــــــــديـــــــــن
على فكرة غسول اليد ها يكون بنفس خلطة الشاور جل بس الجديد انك ممكن تضيفي له ديتول للتعقيم وضعيه في زجاجة أو علبة خاصة بغسول اليد، وممكن تضيفي له زيت عطرك المفضل
بواقي الصابووووووون00
طبعا معظمنا بيرميها وكنا محتارين نعمل بيها اية
دلوقتي ممكن تجمعيها وتبشريها وتحطي عليها زيت عطري واعملي بيها صابون او شاور جل بالخلطات الي قلنا عليها
بالنسبه لبواقى الصابون .........قبل ما الصابونه تخلص تحطى الجديده شويه في المايه يعنى تملى الحوض حبة ميه خفيفه يدوبك تغطى الصابونه من تحت وتحطي القديمه كمان معاها في الميه شويه اول مايطروا هما الاتنين اكبسيهم على بعض من الناحيه اللي طريتيها وتتعاملى معاها بقه على انها صابونه واحده
فكرة حلوة تانية لبواقى الصابون لفتوكة تانية انك تبشرها بعد ما تسبيها تنشف وتحتيها فى ازازة بطبقات الوان مختلفة وتزينى بها الحمام
على فكرة ممكن وانتي بتعملي الصابون او الشاور تلونية باللون الي نفسك فيه بالالوان
وكمان عشان تكوني مميزة في موضع الصابون الي عملناه
بعد ماتعملي الصابون بالخلطة الي قلنا عليها قطعيه بالأشكال الي بتستخدم للحلويات
يعني قطعيه على شكل قلوب أو نجوم أو فرغيه وهو ساخن في قوالب لها اشكال جميلة
وبكدة يبقى عندك كمية صابون كثيرة وكمان باشكال مميزة
انا مش عايزة حاجة غير الدعاء بالشفاء والجنة00
000
ححبيت الموضووع و الطريقة ونقلتها لعيوووووونكم00:39:
رجاوي99 @rgaoy99
محررة ماسية
يلزم عليك تسجيل الدخول أولًا لكتابة تعليق.
احلى من في الكون
•
مشكوره الله يوفقك
مشكوره الله يوفقكمشكوره الله يوفقك
استغفر الله العظيم الذي لا اله الا هو الحي القيوم واتوب اليه
الصفحة الأخيرة