مصابة بعين منذ طفولتي وابغى مشورتكم

السلام عليكم ورحمة الله وبركاتة..

انا عضوة جديدة في هذا النتدى لكني دائمة الزيارة و التصفح في هذا المنتدى الرائع ومداومة على متابعتة من سنوات..
هذي اول مشاركة لي في هذا المنتدى وان شاء الله ما يخيب ظني فيكم

انا اليوم داخلة وأبغى شوركم يعني شوركم وهداية الله ..

بقولكم قصتي باختصار شديد:
انا في طفولتي كان شعري طويل وغزير جدا بعكس معظم اللي كانوا في سني وطبعا أصابتني عين بعدها صار شعري يتساقط وانكمش كأنه تحته نار و توقف شعري عن النمو نهائيا وحتى لو قصيتة يرجع لنفس الطول اللي توقف عليه بعد ما اتقطع ولا يزيد عن ذلك وطبعا انا الموضوع هذا مرررة مؤزمني أكثر مما تتصوروا لأنه صاير خشن وقصير ولا يتسرح وطبعا احس بحزن شديد لما اشوف كل البنات مسرحين شعورهم ومرتبينها وهذا الكلام صار له فوق 15 سنه
وانا الحين ابغى احلق شعري عالصفر يمكن يرجع نفس ماكان اول في ايام الطفولة..
بس اخاف احلقة ولا يطلع بعد كذا أبد لا قدر الله:44:,, وانا ذهبت لكثير من الشيوخ واستمعت للرقيا واشرب من الماء المقري عليه وأحس اني بذلت كل السبل اللي اقدر عليها لكن قدر الله وما شاء فعل فأنا ابغى استشيركم الله لا يحرمكم الأجر اذا وحدة مر عليها نفس حالتي ياليت تفيدني ... الله يخليكم اللي تدخل ترد علي
ولكم والله دعوة في جوف الليالي..

ودمتم بود..

اختكم الفقيرة إلى الله