اليوم جالسه أتفرج على صور لناس في البر مسوين مصابيب عاد أنا من شفتهم وسعابيل راحت فيها
عاد نطيت للمطبخ وقلت بسويها والكارثه مالقيت طحين بر :09: بس ومع ذلك أصريت أسويها بطحين أبيض
والمفاجأه لما حطيتها على التاوه صارت مثل الكرييب الفرنسي قلنا خير وبركه ربى ضارة نافعه
وهذي
المقادير:
كوب حليب سايل
بيضه
رشة ملح
رشة صفار الزعفران
ملعقه صغيرة خميره فوريه
ملعقه كبيرة سكر
كأس طحين (أبيض للكريب)(بر للمصابيب)
الطريقه:
نخلط كل المقادير في خلاط الكأس ما عدا الطحين لمدة 5 دقايق بعدين نضيف الطحين بحيث تكون العجينه سايله ونتركها مدة ربع ساعه
بعدين ندهن التاوه بالزيت ونصب كميه قليله من الخليط ونوزعه بالملعقه عشان يصير خفيف ونتركه لين يتحمر
بعدين نقلبه على الجهه الثانيه
ونشيله ونحطه في الحافظه عشان يصير طري
وهذي أضفت للخليط بصل أخضر مقطع صغار
وفي النهاية
بالنسبه للكريب ندهنه بأي شي تحبونه أنا دهنت وحدة شوكولاته نوتيلا والثانيه جبن ووحده ساده بالاضافه للي فيها بصل
إنتوا ممكن تحطون مع الشوكولاته مكسرات
أما بالنسبه للمصابيب ممكن تحطون عليها عسل أو تقطعون بصل صغير ويتحمس مع زبده أو زيت وشوي بهارات بس تحميس خفيف
والافضل لما تصبين الخليط في التاوه تكون حجمها صغار بالنسبه للمصابيب بس الكريب يكون الحجم كبار وتنحشي وتنصفط من النص او تلفونها أسطوانات
وصحتين وعافيه
