حلا حبوبات رجعنا بعد العطلة بنشاط وأقدم فطورنا اليوم
مصابيب جنان بالاله الكهربائية المخصصة للمصابيب
ويحبها الصغير قبل الكبير وسهلة ومريحة ومافيها تعب
وتقدرين تسوينها بأي وقت
ومقاديرها متوجدة بكل بيت
وسويتها لعيون الوالدة
لأنها طلبتها مني البارح وسويتها لها مفاجأة
ونبقى مع الصور والطريقة
كأس دقيق بر وكأس أبيض . 3ملاعق حليب مجفف . ملعقة بيكنج باودر .ربع فنجان سكر
رشة ملح .بهارات حسب الرغبة. ماء للعجن أنا حطيت كوبين ونص وكفى
المقادير بعد مخلطناها
العجينة تصير أخف من عجينة الكيك تصير متوسطة لا مائية ولا ثقيلة
هذي الة المصابيب
ويجي معها ملعقةغويطة وملعقة مسطحة
وهنا نصب العجينة
لين تصير ناشفة ونقلبها
بعد ما قلبناها وتحمرت ونحطها بحافظة لين تخلص الكمية
وهذا طبق التقديم وحطي ( جبن أو سمن وعسل أو زيت زيتون ولكي حرية الاختيار
وهذا لأول وحدة ترد
وأخيرا أرجو ان موضوعي أعجبكم
وادعولي بالتوفيق والنجاح
والله الله بالردود
ملاحظة
فية ردود من الاخوات العضوات في موضوعي حلى العقيد أبوشهاب بصراحة ضيق صدري
مدري ليش الوحدة تكتب مثل هذه الردود والله أستحي أكتبها يعني ماأعجبك الموضوع لا تردين قولي خير أو اسكتي
لكن
فية أخوات تستاهل حبة على الراس وأدعي لها طول حياتي
وتقبلوا موضوعي ونقدي بصدر رحب
وشكرا