قصته مع شركة ZAIN وفعلا قصه تستحق الأحترام بقوه بقوه بقوه .. وحسستنا انه فعلا في هنا بالسعوديه شركه تحترم عملائها بالشكل المطلوب والي فعلا يعامل فيه عملاء دول العالم المتحظره
كم منا تعرض لحادثت تجاوز الحد الأئتماني المخصص للرقم ؟!!
طبعا مع ان الخطأ مليون في الميه على الشركه .سواء كانت STC او MOBILY ... لأنه انت متفق معهم على حد ائئتماني وهم يظمنون لك عدم تجاوزك له .. وهذا حمايه لك وحمايه لهم
لكن لأنه لايوجد من يدافع عنك ويظمن حقك ويسندك .. فتعتبر انت الغلطان برأيهم وانت من يتحمل المبلغ المتجاوز به الحد الأتماني المتفق به !
طبعا هذا الواقع المرير كنت اظنه في جميع شركات الأتصالات الثلاث STC و MOBLIY و ZAIN
ولكن ZAIN اوضحت العكس .. وهذا محور القصه
قصتنا وقعت احداثها لأحد عملائها .. حينما كان حده الأئتماني هو 550 ريال وهو من مشتركين باقة شهر عليكم وشهر علينا ...
طبعا الأخ بدا الشهر الي عليه ... وفجأه جته رساله لقد قاربت على تجاوز حدك الأئتماني ..
المهم اخينا بالله قام كأجراء نظامي بألأتصال على الدعم الفني لزين
نرجع للقصه
... المهم وقال كيف تجاوزت الحد الأئتماني وانا توني بادي المكالمات ..
رد عليه موظف الدعم الفني وقال له مكالماتك الغير مفوتره 1517 ريال
طبعا جاوبه العميل مراره وخانقته العبرا وقال انا حدي الأتماني هو 550 ريال كيف ياصل الى هالحد ومن المسؤول ..
طبعا بكل شجاعه الموظف اعترف فعلا ان هذا خطأ الشركه والسيستم ماقفل الحد بعد الشهر المجاني الي علينا
وطبعا بأرفع لك طلب الآن بالمشكله ...
المهم فجأه جته رساله على جواله فيها اعتذار .. وطلب فقط تسديد الفاتوره 384,6 ريال بس .. والباقي الي هو 1178 الشركه تتحمله ..
والمفاجأه الأحلى عطته الشهر الي على زين رصيد قيمة 1517 ريال الي تجاوز بها حده الائتماني وتحملته زين
مو بس كذا ...عطوه هديه رصيد 500دقيقه مجانا في حسابه لأنهم فصلوا الجوال فتره بسيطه علشان اللخبطه
هذي هي الرسايل الي ارسلت له بعد غلط الشركه و شوفوها
بالله وش رايكم ..
يعني والله الي مافي امل STC
ارجع واقول انا من عملاء MOBILY ولكن فعلا انهبلت من هالتصرف الي حتى MOBILY ما اتوقع تسويه
واحب اذكركم بقصتي يوم حوبت من STC الى MOBILY ...عشان تشوفون للي يبي يحول الحين لأي شركه مستاء منها او من خدماتها
عموما الي نوه فيه العميل نفسه انه كان في خطأ بالسيستم ذاك الايام وان واحد يقول له من الي يشتغلون بالشركه ب ZAIN انه صار الخطأ ب20الف عميل مثله .. وان الشركه فعلا تحملتها بنفسها وسددت اكثر من 2 مليوون تخيلوا
...
كبيره يا ZAIN فعلا حسيت ان فيه شركه معطيتنا وجه
وياليت كل هالشركات تمشي على خطاك والله ...
تحياتي لكم ... وابي اشوف وش رايكم بالموقف