مصدومة من زوجي

مرحبا يا احلى واغلى اخوات بالدنيا

بصراحه انا من فترة طويلة وانا اتصفح المنتدى بس سجلت فيه متاخرة


المهم يا اخوتي انا مثل ما مكتوب العنوان مصدومة من زوجي صار لي متزوجه 3 سنين وعندي طفل عمره تسع شهور

زوجي دوامه من الصبح الى المغرب يرجع من الدوام تعبان حيل ما عنده وقت حتى لولده ....

المهم من بداية ملكتنا وكان في بينا مشاكل ووصلت للطلاق بس الحمد الله ما انفصلنا زوجي من النوع العصبي وعلى كل شي يذمر واي شي اسويه لازم يطلع بيه عيب وغير هذا ما يحترم حد من اهلي رغم اني عكسه تماما امه
و اخته حطيتهم فوق راسي بس شو اسوي هذا حظي

يعني بعد كل يومين لازم تصير بينا مشكله .... تخيلو يا بنات حواء بعد كل صبري عليه وعلى مشاكله ومشاكل اهله
فاجئني بكلامه انه راح يتزوج علي

وانا والله مدللته ومدلعته لدرجة ما تتوقعونها حتى لما يزعلني انا الي اروح واراضيه وكل ما اطلب منه شي يتعذر بالدوام
طيب انا مب حرمته ليش يسوي كل هذا الشي


والله ما ادري نفسيتي صايرة عدم والله متحطمة وااااااااااايد

والقهر اذا رحت ارتاح في بيت اهلي كم يوم اهلي هم بعد يقولون لي انتي غلطانه لا تطلعين من بيتج وهذا زوجج انا اعرف انه زوجي بس الزوج الي ما يقدر زوجته ولا يحرتمها شنو فايدته

سامحوني طولت عليكم بس ابي افضفض لحد ما عندي من بعد الله غيركم

تكفون ادعولي الله يصبرني وان الله يهديه