مصدومة وعيوني ما خلصوا بكي

مساء الخير :44:
صبايا أنا مصدووومة ما عم صدق اللي عم بيصير

انا بحب زوجي وهو كمان لكن من فترة عم لاحظ انه اذا بقرب عنده وهو يشتغل على الاي فون بحاول انه يغير اتجاهه او بسرعة يضغط على اي شي بسرعة انا شكيت كتير بس ما بئدر فتش جواله لانه ما بخصني لكن اخر فترة من الشك سألته وزعل مني وحكالي انتي شاكة فيني وحكيته لا وبالأخير تصالحنا
المهم هو سافر يومين عمل وانا دايما بفتح موقع الاتصالات وبرسل منه رسائل مجانية وبعرف الباسوورد لكن المصيبة اني فتحته اليوم وكان فيه خدمة الفواتير وبقدر اعرف شو الاتصالات ولما حطيت رقم زوجي لقيت تاريخ اول ليلة سافر فيها من ال1 الفجر الى الساعة 8 الفجر وهو شابك انترنت على الجوال ومبارح طلع نفس الشي كلمته بالليل حكالي بدي نام عندي شغل وانا صدقت وحكيتله تصبح على خير حياتي ونمت وانا مشتاقله وجيت اليوم افتح لقيت انه بعد ما قفل معي شابك نت الى الفجر لحد بداية دوامه وفترة الغداء كلمني وانا مو قادرة احكي معه حاسة مغصوبة وحكالي شو فيه حكيت ولا شي تعبانة حاكيني بعدين وهو اول ما حكى معي حكالي عندي صداع كبير وعيوني عم بوجعوني وكنت بدي احكيله حضرتك ما عم بتنام وسألته انا مبارح بالليل كتير تئلبت بنومي وانته نمت منيح حكالي ما صحيت الا الصبح عالمنبه وهو كزاب :44:
انا متحطمة يا بنات كتير مزعوجة ومصدومة صارلي 4 ساعات عم ببكي وماني عرفانة كيف بدي شوفه ماني طايئته شو برأيكن تفسير اللي صار وما بقدر واجهه صراحة
مع العلم هو كتير طيب معي وكريم وبحترمني لكن عنده سر على الاي فون ما بعرف شو صارله ساعدوني مالي حد لاببلدي ولا بالغربة تعبانة رح مووت رح جن