مصدومة ومجروحه ولاعارفه شسوي

السلام عليكم ورحمة الله وبركاته
انا في ضيقة لايعلم بها إلا الله وعسى أن يكتب لي فيها فرج قريب
خواتي انا زوجي اكتشفته يخون قبل ٣ شهور ولما واجهته اعترف بخطاه وبكى قدامي وحلف مايرجع لهالطريق انا سامحته وقلت بحافظ ع بيتي وزوجي وعيالي وممكن انه تاب صدق مرت الايام وقلبي كان ناغزني وكأن ربي ملهمني انه فيه شي متغير فيه انشغاله وتصريفاته لي وللأسف اكتشفت خيانته للمرة الثانية تهاوشنا وسالته عن السبب اذا انا مقصرة قال لا لكن الشيطان شاطر وقام يحلف زي اللي قبل انا انهرت مقدرت اقعد معه وداني بيت اهلي قال خليك كم يوم تريحين وانا اجي اخذ بخاطرك ومالك الا اللي يرضيك
لما رجعت بيت اهلي قعدت يومين لاكلمته ولا كلمني ارسلت رساله قلت لازم يدخل طرف ثالث كبير وفاهم يحل مشكلتنا يا ابوك او ابوي مارد علي بعدها بيومين ارسل رساله لابوي كتب انا طلقت بنتك والله يستر عليها والصك بالمحكمة
وارسل لي رساله كاتب انا طلقتك سامحيني وحلليني
مافهمت شي يعني مفروض انا اللي ازعل واطلب الطلاق مو هو يروح يطلق وبس
عندنا ولدين والغلط جاء منه قولوا لي كلام يهون علي جرحي او يهديني والله مصدومة ولاعارفه شسوي