مصدومة و فيني بكيةة ~ اسعدوني بدعوة تفرح قلبي

سلام عليكم اخواتي
انا مررره مصدومة الحين و فيني بكية بس ماقدر ابكي و امي تلاحظ علي بعدها و يليت يلي ما عندهم احساس و اللي ام التفحيطات ما يعلقو
.

كنا عالعشا انا و اختي و امي و اخوي و نسولف و طلعت سالفة انه اخوي يبي يتزوج و مصصصرر انه يبي يتزوج و متحمس مره . و لقطت نغزات من كلامه و كلام امي انه يبي وحدة محددة يعني . و الا طقت براسي الاااا ابي اعرف منهي و يوم الكل راح و خلص الموضوع . قعدت عند امي و طفشششتهاا لين قالت بس . احن فوق راسها من هي وش اسمها طيب طويلة و لا قصيرة و نعرفها حنا و لا لا و تقول مادري قلت طيب وش لون انتي تعرفيها و احنا لا يعني مهي من العيلة و لا من العيلة و عيت تقوول لين طفح الكيل و قالت ان قلتلك و بعدين بيوم قلتي له بيعصب علي و يعمل سالفة . قلت قوليلي و م حتكلم و قالت ( هاجر ) انصصصدمت صدمة و ربي لساني وقف مادري وش صار قلت استغفر الله اكيد تضحكين علي احلفي و من هل كلام < للمعلومية هاجر بنت خالتي

.

ادري اللي بتجي و تقول حقودة و غيرانة من بنت خالتك و من هل كلام اقول وفري الرد لنفسك .

بنات خالتي مادري وش فيهم علي ما يعبروني يجلسون بروحهم عندهم سوالفهم و حكيهم الخاص و في اشياء كثثيرة انا ماعرفها بس بينهم و يطنشوني و كل وحدة تعرف صاحبات الثانية يعني مندمجين ماشاءالله مره . و ربي ما احسدهم بس ترا حنا 3 اللي بنفس العمر و السنة الدراسية يعني ليه التفرقة و الحركات دي . في مواقف كثيرة بس ما تحضرني الان عشان تصدقون كلامي و يكون معه دليل عشان ما تجي وحده تتفلسف
.
طبعاً بتقولون وش دخل اذا اخوك يبيها
انا اشوف دخل لانه هي اذا تزوجت اخوي مو بس تزوجته هي بتكون دخلت عائلة جديدة و تصير تتعامل معنا كلنا و المشاحنات و المواقف بتكثر . لأنه مو معناته تتزوج ولد العيلة و العيلة مالها دخل لازم الكل يكون مرتاح للشخص الجديد اللي بيجي . و ادري اللي بتجي تتفلسف و تقول ليه تسرعي الامور
. م عليه تحملوني لكن و ربي مصدومة و احس راسي خللص معد اقدر اسكت هل موضوع دوخني بالمررره

.

انا م أنكر اذنبت و عصيت ربي لكن تبت و لله الحمد و ادعي ربي ليل نهار يرزقني بالزوج الصالح . و على فكرة انا ماني كبيرة و اللي تجي تقول مشفوحة للزواج . الزواج ستر و انا ابي الستر هي بالعمر تكون اكبر مني بسنة . و أنا الحمدلله صرت مواضبة على صلاتي و أذكر الله و ادعوه بالزوج الصالح عاجلاً غير اجل و وعيت و تثقفت كثير بالدين كنت اخرج شعري بس الحين لا و كنت اتعطر كثير و الان لا
.
ادري طولت بالموضوع و السالفة فيها اكثر من مشكلة . بس اكيد في من عاشت مثلي و مرت باللي امر فييه لانه ما هو شي سهل تحسي نفسك منبوذة بين ناس اهلك و الاهم من سنك و تصير مواقف تجرحني مره و تبكيني بس و ربي دايم انسى او بالاصح اتناسى . لكن بهل موضوع ما اتوقع راح انساه ابببد

.

ابغى عقول راقية و فاهمة و عاقلة ترد علي مو ام التفحيطات
.

امانة اخواتي ادعولي الله يرزقني بالزوج الصالح التقي النقي الجميل اللي يحبني و احبه عاجلاً غير اجل