مصدومه ماادري كيف اتصرف اسالكم بالله ساعدوني لكل الحكيمات خواتي

السلام عليكم خواتي
تعبانه تعبانه حامل واحس تعبت خلاص زوجي له خيانات سابقه ولما اكتشف يعتذر وانا اسامحه سنتين ع هالحال اخر شي العام شفت بسيارته جوال كشاف شغال فتحته رسايل حب وغرام اخ اخ مت من قريت الكلام وواجهته وقال حق اخوي ولازلت اشوفه واسكت بعدها اخفاه مدري وين وعرفت لما اروح لاهلي يكلم ف البيت لقيت شاحن نوكيا طنشت عشان بيتي ووطفلي وجنيني وامس جايين من المستشفى وقف للبقاله ولعب ولدي بشنطه السياره وفتحها وشفت بيده الجوال بس جديد كشاف وشغال وفيه رقم سري خلاص بموت شوي ابكي ياالله ولما ركب قلت له ولدك لعب بالشنطه وعلى طووول فتح السحاب اللي فيه الجوال وتطمن انه موجود وسكرها تكفون وش اسوي تعبت اجامله وهو يخون وربي مااقدر اقول لاحد مالي الا الله ثم انتم سنتين اعاني من هالخيانات وش اسوي اقوله اني شفت الجوال وربي احيان افكر ان ركبت السياره اخذه وارميه بزباله بالشارع او اكسره مليون كسره تعباااااااانه ساعدوني يارب تعينني