مصدومه ماتوقعت ان هذا الشىء بيصير لي

انا عمري 38 تقريبا غير متزوجه انقطعت عني الدوره وواضح اني خلاص اعاني من سن يأس مبكر
هي الدوره منتظمه معي بس من عمر 32 تقريبا لاحظت بدأت تقل كميتها ومن 3 سنوات صار لازم يجيني افرازات دم وبعدها تنزل بصعوبه
اخر مره جتني قدمت اربع ايام كلها افرازات دم وتعبت كثيره بوقت الصلاه وبعدها جاءت بموعدها بس الصدمه اليوم الاول كأنه خامس ايام الدوره
ولاحظت انها افرازات دم ولاكأنها دوره وقلت ايامها وبعدها الافرازات اللي تجي بعد الدوره اعتقد افرازات التبويض صارت قليله جداااا
ومو اول مره كل مره تجيني كذا خفيفه بس المره هذه بزياده
واضح انه سن يأس مبكر حزنت حزن مايعلمه إلا رب العالمين لدرجه اني اتمنى ابكي وابكي ماادري كيف السنوات مرت بهذه السرعه قبل سنوات
اتذكر اني كنت بالجامعه حاسه كأنه حلم احس اني يأست وكرهت نفسي حتى اني كنت ابعمل ليزر وشلت الفكره من بالي خلاص
امي واختي ماشاءالله استمرت معهن الدوره ممكن ل50 سنه بس ممكن لاني غير متزوجه سمعت ان المرأه بتحافظ على خصوبتها عن طريق
الحمل والولاده ممكن هذا السبب بالاضافه الى تغذيتي دماااار
المشكله اني بعاني من مرض التوحد والرهاب والان كيف بيكون وضعي اهلي مشتتين وامي فيها قسوة قلب ومالي علاقه فيها ابداا لدرجه اني
طول وقت على الجوال مالي صاحبات ولا صديقات ولااطلع ابدااا ولما اروح للسوق اروح لوحدي لدرجه ان الناس واضح عرفوني
اذكر اني تشاجرت مع قريبتي تسلطت علي وهي ضيفه عندنا وراحت تعايرني بالعانس راح اخوي يرضيها وقالها اتركيها هذه عجوز بكره
اذا تزوجت مايجيها عيال هي انبسطت واستغربت من كلامه حسبي الله عليه
عندي قريبات ماانجبن بس ماشاءالله الله معوضهن بالاهل طلعات مع اخواتهن وقريباتهن ماحسن بالوحده ابدااا
ماعندي اقارب وحتى لو عندي اتهرب دائما من الاختلاط مع الناس بسبب الرهاب اللي اعاني منه
حلمت احلام قبل فتره واعتقد هذا هو التفسير والله اعلم
واحس اني حتى لو عالجت ممكن سنه وسنتين وتنقطع نهائي لو متزوجه وعندي اولاد ارحم احس اني ابكبر واعجز قبل عمري
ملاحظه ... اعاني من امساك مزمن صارله 15 سنه هل تتوقعون انه سبب لي هبوط بالرحم
ابروح للدكتوره بإذن الله بس خايفه تصدمني وتقول لي سن يأٍس
علما اني اعاني من امراض روحيه بسن العشرين رقيت على الزيت وشددت القراءه مرتين بمعني اني قرأت الفاتحه بدل سبع مرات 14 مره
والمعوذات كررتهن ولما استخدمته جتني الدوره على طول وعلى غير موعدها يعني كأنها جاءت مرتين بالشهر وصار في حساسيه شديده جدااااا
بالمنطقه واذكر ان سرتي صار فيها تورم شديد واحمرار وكنت ابكي من الالم ولما انتهت الدوره بدأت تخف الحساسيه بس الى الان وانا اعاني منها
قطعت الرقيه وبعدها بكم سنه جاني مس ببطني سبب لي امساك شديد وانتفاخ بالبطن ومتأكده انه مس
هل تتوقعون اذا عالجت المرض الروحي بترجع الدوره ولا سن يأس خلاص
ابروح للدكتوره بس قلت استشيركم بالاول وش الفحوصات اللي تطلبهن الدكتوره جاهله بهذه الامور ومالي الا انتم
انصحوني ارجوووكم